چئیر مین پی ٹی آئی عمران خان کے صرف پاکستانی اداکار ہی نہیں بلکہ بھارتی اداکار بھی مداح ہیں۔

بھارت کے وہ مشہور اداکار جو عمران خان سے بہت متاثر ہیں۔

عامر خان نے اپنی مشہور زمانہ فلم لگان میں استعمال ہونے والا بلا نیلام کیا تھا اور اس کے بدلے 6 ملین پاکستانی روپیے عمران خان کو شوکت خانم کے لیے امداد دی تھی اور کہا تھا کہ آپ اگر الیکشن جیت جائیں گے تو میں آپ کی خوشی کو منانے کے لیے یہاں پاکستان آ کر جشن مناؤں گا۔

اداکار سلمان خان بھی سابق وزیرِاعظم عمران خان کی تعریفیں کرتے ہیں اور ایک مرتبہ انہوں نے کہا تھا کہ عمران خان میرا بڑا بھائی ہے وہ اچھا اور نیک انسان ہے، اس کے راستے صاف ہیں۔

بھارتی اداکار انیل کپور بھی عمران خان کے مداح ہیں، ایک انٹرویو کے دوران انہوں نے کہا تھا کہ میری دعا ہے عمران خان وزیرِاعظم پاکستان بنیں، وہ ایک سچے لیڈر اور ہیرو ہیں۔

انہوں نے کھیل کے ساتھ عوام کے دل بھی جیت لیے  اور میرا دل بھی جیت لیا ہے۔

بھارت کے کنگ شاہ رُخ خان کئی مرتبہ عمران خان سے ملاقات کر چکے ہیں اور ایک وقت تھا جبکہ کرکٹ کے گراؤنڈ میں کسی وجہ سے عمران خان نے شاہ رُخ خان کو ڈانٹا بھی تھا لیکن اس کے باوجود بھی شاہ رخ خان عمران خان کے مداح ہیں۔

بھارتی اداکارہ ریکھا بھی عمران خان کی دیوانی ہیں اور ایک زمانہ تھا کہ دونوں کی خوب ملاقاتیں ہوتی تھیں۔

ریکھا عمران خان سے شادی کرنا چاہتی تھیں لیکن چونکہ معاملات صرف بارڈر پار نہیں ہیں بلکہ مذاہب و دیگر تفرقات بھی ہیں جس کی وجہ سے یہ ممکن نہ ہوسکا۔

واضح رہے کہ عمران خان کو پاکستانی اداکار بھی بہت سپورٹ کرتے ہیں انہیں پسند کرتے ہیں اور ان کے جلسوں میں بھی شرکت کرتے ہیں کیونکہ عمران خان نے 22 سالہ جدوجہد میں تحریکِ انصاف کو اس قدر مضبوط بنایا ہے کہ نہ صرف وہ خود ملک کے وزیرِ اعظم بنے بلکہ ایسے وزیرِاعظم بنے کہ ان کے جانے کے بعد اکثریت کی یہ خواہش ہے کہ وہ ایک مرتبہ پھر پاکستان کے وزیرِاعظم بنیں۔