پاکستان شوبز انڈسٹری کے نامور اداکار ، گلوکار اور سماجی کارکن شہزاد رائے نے کراچی میں صفائی کے فقدان پر تشویش کا اظہار کر دیا۔
گزشتہ روز شہزاد رائے نے سوشل میڈیا پر کراچی کے ایک نالے کے پاس کھڑے ہوکر تصویر شیئرکی اور ساتھ ہی لکھا ’میں کراچی کے بارے میں تو کچھ نہیں کہہ سکتا لیکن قدرت اور ماحول ہمیں معاف نہیں کریں گے‘۔
I try everyday to save my city #karachi but according to @TheEIU #karachi has been ranked among the world’s most unlivable cities. I don’t know about #karachi but nature/environment will not forgive us . pic.twitter.com/EWErpMFHn6
— Shehzad Roy (@ShehzadRoy) June 27, 2022
شہزاد رائے نے تصویر کے کیپشن میں یہ بھی لکھا کہ میں ہرروز اپنے شہر کراچی کو بچانے کی کوشش کرتاہوں مگر دی اکنامک انٹیلی جنس کے مطابق کراچی کو دنیا کے ناقابل رہائش شہروں میں شمار کرلیا ہے۔
واضح رہے کہ برطانوی میگزین دی اکانومسٹ کے انٹیلیجنس یونٹ کی جانب سے جاری کی گئی رپورٹ میں رہائش کے لیے دس بدترین شہروں میں کراچی کو بھی شامل کرلیا گیا ۔
اس فہرست کو مرتب کرنے کیلئے ان شہروں میں جرائم کی شرح، طبی سہولیات، انفراسٹرکچر، سیاسی استحکام اور سبزہ زاروں کی صورتحال کا جائزہ لیا گیا جس کے بعد 173 شہروں کی درجہ بندی کی گئی۔
اس فہرست میں پاکستان سے صرف کراچی کو شامل کیا گیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News