پاکستان شوبز انڈسٹری کے معروف اداکار و میزبان فیضان شیخ نے نامور اداکار فیصل قریشی سے متعلق حیران کن انکشاف کیا ہے۔

اداکار فیضان نے اپنی اہلیہ ماہم عامر کے ہمراہ متھیرا کے شو میں شرکت کی۔

اس ہی دوران فیضان نے فیصل قریشی کے بارے میں ایک انتہائی حیران کن انکشاف کیا کہ اداکار فیصل قربانی خود کرتے ہیں۔

انہوں نے بتایا کہ قربانی کرنے سے لے کر جانور کی کھال اتارنے اور گوشت کو کاٹ کر حصوں میں تقسیم کرنے تک وہ سب کچھ خود کرنا پسند کرتے ہیں اور وہ اس میں ماہر ہیں۔

اس سے قبل فیضان شیخ اور ان کی اہلیہ و اداکارہ ماہم عامر نے بیٹی کی پہلی جھلک سوشل میڈیا پر شیئر کی تھی۔

فیضان شیخ نے فوٹو اینڈ ویڈیو شیئرنگ ایپ انسٹاگرام پر نئی تصویر شیئر کی تھی۔

انسٹاگرام پر شئیر کردہ تصویر میں اُنہوں نے اپنی نومولود بیٹی کو گود میں اُٹھایا ہوا تھا۔

اداکار نے اپنی پوسٹ کے کیپشن میں لکھا کہ 2021 ہر لحاظ سے ایک شاندار سال رہا۔

فیضان شیخ نے لکھا کہ ہمیشہ کی طرح یہ ایک اداکار اور ایک فرد کے طور پر سیکھنے کا وقت تھا اور میں نے اپنی پوری کوشش کی کہ چیزیں سیکھ کر ایک بہتر انسان بنوں، نہیں معلوم کہ میں اس میں پاس ہوا یا فیل۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Muhammad Faizan Sheikh (@mfaizansk)

اداکار نے کہا کہ میں بھی کورونا وائرس کا شکار ہوا تھا لیکن میں نے مضبوطی سے اس وائرس کو شکست دی اور یہ ٹھیک ہے کہ اُتار چڑھاؤ ہمیشہ ہماری زندگی میں موجود رہتے ہیں۔

اُنہوں نے کہا کہ اس سب کے دوران جس چیز نے مجھے مضبوط بنایا وہ میری خوشی کا یہ چھوٹا سا بنڈل تھا، ہاں میری بیٹی جو 27 دسمبر کو اس دُنیا میں آئی تھی۔

فیضان شیخ نے کہا کہ میں خوبصورت تصویر کے ساتھ اپنے 2022 کا آغاز کر رہا ہوں۔

دوسری جانب اداکارہ ماہم عامر نے بھی اپنے انسٹاگرام اکاؤنٹ پر بیٹی کی تصویر شیئر کی تھی۔

اس تصویر کو شئیر کرتے ہوئے اُنہوں نے کیپشن میں اللّہ تعالیٰ کا شُکر ادا کیا تھا۔