بھارتی ٹک ٹاک اسٹارز کرن اور نیوی سائشنکر نے پاکستانی سپر ہٹ گانا پسوڑی گا کر سب کو حیران کردیا۔
جڑواں بہنوں نے اپنے تصدیق شدہ کاؤنٹ انسٹاگرام پر ایک ویڈیو شئیر کی ہے جس میں انہیں ایک ساتھ خوبصورت آواز میں پسوڑی گاتے ہوئے دیکھا جاسکتا ہے۔
AdvertisementAdvertisementView this post on InstagramAdvertisementAdvertisementAdvertisementAdvertisement
Advertisement
اس ویڈیو کو ان کے مداحوں کی جانب سے بہت پسند کیا جارہا ہے۔
کرن اور نیوی نے 2019 سے اپنے کیرئیر کا آغاز کیا تھا اور اب اس جوڑی کو دنیا بھر، خاص طور پر ہندوستان اور پاکستان میں کافی مقبولیت حاصل ہے۔
اس سے قبل نوجوان وائلنسٹ کیرولینا پروٹسینکو نے پسوڑی کی دھن سنا کر سب کا دل جیت لیا تھا۔
کیلی فورنیا میں ایک اسٹریٹ پرفارمر کیرولینا پروٹسینکو نے کوک اسٹوڈیو سیزن 14 کے مشہور گانے پسوڑی کی دھن کو وائلن پر ایک خوبصورت انداز میں بجایا جس کی ویڈیو یوٹیوب پر اپلوڈ کی گئی تھی۔
13 سالہ کیرولینا پروٹسینکو جو کہ ایک نوجوان وائلنسٹ ہیں وہ دنیا بھر کے ہٹ گانوں کا خوبصورت کور بنانا پسند کرتی ہیں۔
یوٹیوب پر کیرولینا کے مداحوں کی بڑی تعداد ہے کیونکہ وہ سڑکوں پر مختلف کور پیش کرتی ہیں جسے بہت پسند کیا جاتا ہے۔
واضح رہے کہ گانے نے یوٹیوب پر 300 ملین آراء کو عبور کرتے ہوئے ایک بڑا سنگ میل حاصل کیا ہے، پاکستانیوں کے لیے یہ ایک قابل فخر لمحہ ہے کہ ہمارے فنکار کو بین الاقوامی سطح پر پہچان ملتی ہے۔
2022 میں کوک اسٹوڈیو کا ریلیز ہونے والا گانا پسوڑی کے ہر طرف چرچے ہیں اور ہر کوئی اس گانے کو سنتے ہی جھومنے لگ جاتا ہے۔
پسوڑی یوٹیوب پر ریلیز ہوا تو بہت جلد لاکھوں لوگوں نے سنا اور اب تک اس گانے کو 30 کروڑ بار سنا جا چکا ہے۔
یہ گانا پاکستانی گلوکرار علی سیٹھی اور گلوکارہ شائے گل نے گایا جن کی آواز لوگوں کو بے حد پسند آئی۔
علی سیٹھی نے اپنے انسٹاگرام اکاؤنٹ پر ایک ویڈیو شیئر کی جس میں دیکھا گیا کہ انہوں نے کیمرے کے پیچھے کے مناظر شیئر کیے جب گانا شوٹ ہورہا تھا۔
ویڈیو کے کیپشن میں گلوکار نے لکھا کہ 300 ملین۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News