صدف کنول کس معروف شوبز شخصیت کی بھتیجی ہیں؟

ویب ڈیسک

18th Oct, 2022. 04:06 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صدف کنول کس معروف شوبز شخصیت کی بھتیجی ہیں؟

پاکستان کی معروف اداکارہ و سپر ماڈل صدف کنول سینئر اداکارہ ندا ممتاز کی بھتیجی ہیں۔

گزشتہ روز صدف کنول نے اپنی پھوپھو ندا ممتاز کے ہمراہ نجی ٹی وی چینل کے ایک شو میں بطور مہمان شرکت کی تھی۔

شو کے دوران میزبان نے انکشاف کیا کہ صدف کنول اداکارہ ندا ممتاز کی بھتیجی ہیں۔

میزبان کا کہنا تھا کہ یہ بات اُن سمیت بہت کم لوگ جانتے ہیں ،جب اُن پر یہ راز افشاں ہوا تو انہوں نے بھی دونوں اداکاراؤں کی تصویریں ایک ساتھ سامنے رکھ کر دیکھی تھیں۔

صدف کنول نے میزبان کے سوال کے جواب میں کہا کہ اُن کی پھوپھو بہت اچھی ہیں، مگر ایک وقت تھا جب وہ بہت ظالم اور بہت سخت مزاج تھیں۔

انہوں نے کہا کہ بچپن میں وہ اپنی پھوپھو سے بہت ڈرتی تھیں، پھر وہ بڑی ہوئیں اور اُن کی شادی ہو گئی تو اُن کی پھوپھو اُن کے ساتھ نارمل ہو گئیں۔

صدف کنول نے انکشاف کیا کہ میری پھوپھو شروع دن ہی سے میرے شوبز میں آنے کے فیصلے کے خلاف تھیں کیوںکہ شوبز انڈسٹری سے متعلق بہت منفی سوچ پائی جاتی ہے، اور انہوں نے میرے شوبز میں آنے کے بعد تین سال تک مجھ سے بات نہیں کی۔

اداکارہ کا کہنا تھا کہ جب پھوپھو نے مجھے شوبز انڈسٹری میں کامیاب ہوتے دیکھا تو معاملات ٹھیک ہو گئے اور اب ان کو مجھ پر فخر ہے۔