پاکستان شوبز انڈسٹری کی مشہور اداکارہ آمنہ الیاس اکثر سوشل میڈیا پر اپنی تصاویر اور ویڈیوز شیئر کرتی رہتی ہیں لیکن کئی بار انہیں اپنے بولڈ انداز کی وجہ سے شدید تنقید کا سامنا کرنا پڑتا ہے۔

حال ہی میں معروف اداکارہ نے اپنے انسٹاگرام اکاؤنٹ کا رخ کیا جہاں انہوں نے چند تصاویر شیئر کیں جس کے بعد صارفین نے انہیں آڑے ہاتھوں لے لیا۔

شیئر کی گئی تصاویر میں دیکھا جاسکتا ہے کہ آمنہ الیاس  ساحل سمندر پر موجود ہیں جہاں انہوں نے سیاہ رنگ کا انتہائی نازیبا لباس زیب تن کیا ہوا ہے اور گھوڑے کے ساتھ تصاویر بنوائیں۔

اداکارہ کی یہ تصاویر سوشل میڈیا پر وائرل ہوئیں تو صارفین کو ایک آنکھ نا بھائی کسی نے ان کے لباس پر تنقید کی تو کسی نے ان کے اس انداز کو بے شرمی قرار دیا۔

واضح رہے کہ آمنہ الیاس نے ’باجی‘، ’زندہ بھاگ‘ اور کئی مشہور فلموں میں اپنی اداکاری کے جوہر دکھائے۔