رکنِ قومی اسمبلی و میزبان ڈاکٹر عامر لیاقت کی سابقہ اہلیہ بشریٰ اقبال کا دانیہ شاہ کی گرفتاری کے بعد اہم بیان سامنے آگیا ہے۔

بشریٰ اقبال نے دانیہ کی گرفتاری کے بعد میڈیا سے گفتگو کرتے ہوئے بتایا کہ میں عامر کے لیے اب تک اس لیے لڑ رہی ہوں کیونکہ میں عامر کے ساتھ انصاف چاہتی ہوں۔

انہوں نے کہا کہ میرا عامر کے پیسوں سے کوئی تعلق نہیں ہے، تاہم، ان کے لیے انصاف چاہتی ہوں کیونکہ وہاں بہت سے لوگ تھے جو ان کے مداح تھے اور ان کے ساتھ جو کچھ ہوا اس سے انہیں تکلیف ہوئی تھی۔

بشریٰ اقبال کا کہنا تھا کہ دانیہ کی طلاق کو حتمی شکل دے دی گئی تھی اور وہ پہلے دن سے ہی عامر سے پیسے بٹورنے کی کوشش کر رہی تھیں۔

Advertisement

 

Advertisement

Advertisement

View this post on Instagram

Advertisement

Advertisement

Advertisement

 

Advertisement

A post shared by Celebs.Pakistan (@celebspakistan)

انہوں نے کہا کہ ایسی لڑکیوں کے ساتھ ایسا ہی ہونا چاہیئے تاکہ اوروں کے لیے مثال بنے۔

بشریٰ اقبال کے وکیل نے بھی اس کیس کے حوالے سے بات کی  اور کہا کہ یہ ویڈیوز لیک کرنے پر دانیہ کو کم از کم 10 سال سے 7 سال کی قید ہو سکتی ہے۔

واضح رہے کہ عامر لیاقت حسین نے اپنی زندگی میں تین شادیاں کیں، وہ سیاستدان، عالم ہونے کے ساتھ ساتھ میزبان بھی تھے۔

عامر لیاقت کے آخری چند سال تنازعات سے دوچار رہے اور ان کی طلاقوں نے ذہنی طور پر اور پھر بعد میں پیشہ ورانہ طور پر بہت بڑا اثر ڈالا۔

ان کی اپنی تیسری بیوی دانیہ شاہ سے مختصر شادی میزبان کے لیے انتہائی تکلیف دہ نوٹ پر ختم ہوئی، ان کی نجی ویڈیوز انٹرنیٹ پر لیک ہوئیں، جس کے بعد وہ اور زیادہ ڈپریشن میں چلے گئے۔

تاہم ان کی موت کے بعد دانیہ نے دعویٰ کیا کہ وہ اب بھی ان کی اہلیہ ہیں اور انہیں ان کی جائیداد سے حصہ ملنا چاہیے اور وہ عامر لیاقت کی لاش کے اخراج اور پوسٹ مارٹم کے لیے دائر مقدمے میں بھی فریق بن گئیں۔

واضح رہے کہ عامر لیاقت حسین 9 جون 2022 کو کراچی میں اپنی رہائش گاہ پر انتقال کر گئے تھے۔