بھارتی ہدایت کار ساجد خان پر ایک اور اداکارہ نے جنسی ہراسانی کا الزام عائد کردیا ہے۔
بھارتی میڈیا رپورٹس کے مطابق ایک مراٹھی اداکارہ جے شری گیکود نے ساجد خان پر جنسی ہراسانی کا الزام عائد کیا ہے۔
جے شری کیگود نے سوشل میڈیا پر ایک ویڈیو جاری کی ہے جس میں انہوں نے دعویٰ کیا ہے کہ ساجد خان نے 8 سال قبل انہیں جنسی ہراسانی کا نشانہ بنایا۔
یہ بھی پڑھیں: سلمان خان شو “بگ باس 16” کے دوران ساجد خان پر برس پڑے
انہوں نے کہا کہ 8 سال قبل ایک کاسٹنگ ڈائریکٹر مجھے ایک تقریب میں لے کر گیا جہاں اس نے میری ملاقات ساجد خان سے کروائی، ساجد خان جیسے بڑے نام سے مل کر میں بہت خوش ہوئی اور ساجد خان نے کہا کہ میں ایک نئی فلم پر کام کر رہا ہوں جس میں تمھارے لیے بھی کوئی رول نکل جائے گا تم میرے دفتر آجاؤ۔
ان کا کہنا تھا کہ میں اگلے روز میں جب ساجد خان کے دفتر گئی تو وہاں ساجد خان اکیلے تھے، انہوں نے میرے جسم کو چھوا اور کہا کہ میں تمھیں اپنی فلم میں کیوں منتخب کروں، جس پر میں نے انہیں کہا کہ میں بہت اچھی اداکارہ ہوں، تو اس پر ساجد خان نے کہا کہ صرف اچھی اداکاری سے کچھ نہیں ہوتا، تمھیں ہر وہ کام کرنا پڑے گا جو میں کہوں گا۔
یہ بھی پڑھیں: بھارت کی ایک اور معروف اداکارہ نے ساجد خان کے حوالے سے شرمناک انکشاف کردیا؛ بھارت میں نیا ہنگامہ کھڑا ہوگیا
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News