گلوکار علی ظفر نے وزیر خزانہ اسحاق ڈار اور پی ٹی آئی کے رہنماؤں اسد عمر اور حماد اظہر سے ملک کو معاشی بحران سے نکالنے کا فارمولا پوچھ لیا۔

حال ہی میں علی ظفر نے ٹویٹر پر ایک آڈیو پیغام بھی شیئر کیا ہے جس میں انہوں نے ملک کی معاشی صورت حال پر حکومت اور اپوزیشن کو مخاطب کیا۔

علی ظفر نے کہا ہے کہ ملک کی معیشت جس نہج پر پہنچ گئی ہے اس میں کس کس کا ہاتھ ہے؟

انہوں نے کہا کہ جو حکومت آتی ہے وہ پچھلی حکومتوں پر الزام تراشی کرتی ہے کہ انہوں نے یہ سب کیا۔

انہوں نے کہا کہ ہم بچپن سے سنتے ہوئے آرہے ہیں کہ جو حکومت آتی ہے وہ وعدہ کرتی ہے ہمیں بھی بتائیں کہ وہ کونسی جادو کی چھڑی ہے جس سے سب ٹھیک ہوجائے گا۔

As a humble student, who wants to learn and a citizen of my country, my concerns and questions to our current and X finance ministers.

Respectfully gentlemen, can we know the PLAN ? @MIshaqDar50 @Hammad_Azhar @Asad_Umar #pakistan #economy #dollar #poverty #finance pic.twitter.com/Em87CS0QFF

— Ali Zafar (@AliZafarsays) December 8, 2022

علی ظفر کا کہنا تھا کہ بہت کم دفعہ یہ دیکھنے کو ملا ہے کہ ہماری معیشت ٹھیک ہوئی لیکن جب بھی ایسا ہونے لگتا ہے یا حکمران ایک دوسرے پر الزم تراشی کرنا شروع کر دیتے ہیں یا حکومت ہی ختم ہوجاتی ہے۔

گلوکارعلی ظفر نے مزید کہا  کہا کہ اس صورت حال سے کیسے نکلا جاسکتا ہے، اس پر ایک صحتمند اور مدلل بحث ہوسکتی ہے جس میں گالم گلوچ اور الزامات کے بجائے اعداد و شمار اور حقائق کو مدنظر رکھ بات کی جائے۔