دانیہ شاہ کے عامر لیاقت کے خلاف دیے گئے بیان کی ویڈیو بشریٰ اقبال نے جاری کر دی

ویب ڈیسک

24th Feb, 2023. 01:26 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دانیہ شاہ کے عامر لیاقت کے خلاف دیے گئے بیان کی ویڈیو بشریٰ اقبال نے جاری کر دی

مرحوم رکن قومی اسمبلی عامر لیاقت کی تیسری اہلیہ دانیہ شاہ کے اپنے شوہر کے خلاف دیے گئے بیان کی ویڈیو سابقہ اہلیہ بشریٰ اقبال نے جاری کر دی ہے۔

حال ہی میں مرحوم رکن قومی اسمبلی عامر لیاقت کی سابقہ اہلیہ بشریٰ اقبال نے اپنے انسٹاگرام اکاؤنٹ پر ایک ویڈیو پوسٹ کی ہے جس میں دانیہ شاہ کو عامر لیاقت کے خلاف بولتے دیکھا جاسکتا ہے۔

ویڈیو میں دانیہ شاہ نے ایک نجی ٹی وی چینل سے گفتگو کرتے ہوئے کہا ہے کہ ’ جب عورت کی عزت پر آتی ہے وہ دوسرے کی عزت اتارنا بھی جانتی ہے ‘۔

دانیہ شاہ نے اعتراف کیا تھا کہ’ ان کے پاس عامر لیاقت کی ریکارڈنگز اور ہر قسم کے ثبوت موجود ہیں ‘۔

انہوں نے کہا تھا کہ ’وہ ویڈیو میں نے بنائی تھی، اس ویڈیو کو بناتے وقت عامر اور میرے علاوہ کمرے میں کوئی موجود نہیں تھا ‘۔

واضح رہے کہ کچھ روز قبل ہی عامر لیاقت کی ویڈیو وائرل کیس میں دانیہ شاہ کو ضمانت پر رہا کیا گیا ہے۔

یہ بھی پڑھیں: نازیبا ویڈیو کیس، دانیہ شاہ کی درخواست ضمانت کی سماعت ملتوی

اس کے علاوہ دانیہ شاہ کے خلاف ایف آئی اے پیکا ایکٹ 2016 کے تحت مقدمہ درج ہے، ملزمہ دانیہ شاہ کے خلاف مقدمہ عامر لیاقت کی بیٹی دعا عامر نے درج کروایا تھا۔