لیجنڈری بھارتی اداکار انوسینٹ ورید تھیکے تھالا کو طبیعت ناسازی کے باعث اسپتال منتقل کر دیا گیا ہے۔

بھارتی میڈیا کے مطابق بالی ووڈ کے نامور لیجنڈری کامیڈین اور ملیالم فلموں کے مقبول کامیڈین انوسینٹ ورید تھیکے تھالا کو سانس لینے میں دشواری ہونے پر ایک روز قبل ارناکلام کے ایک نجی اسپتال میں داخل کرایا گیا۔

  تاہم اب ڈاکٹرز کا کہنا ہے کہ ان کی طبیعت میں  قدرے بہتری آئی ہے۔

 74 سالہ اداکار کی طبیعت میں بہتری کی خبروں پر ان کے پرستاروں اور فلمی حلقوں کی جانب سے اظہاراطمینان کیا گیا ہے۔

اس سے قبل مقبول کامیڈین انوسینٹ ورید تھیکے کینسر جیسے موذی مرض کو شکست دے چکے ہیں۔

واضح رہے کہ انوسینٹ کیرالا سے تعلق رکھنے والے پہلے اداکار ہیں جنہوں نے لوک سبھا کے الیکشن میں کامیابی حاصل کی۔

 انوسینٹ 700 سے زائد فلموں میں مختلف اقسام کے کرداروں  میں اداکاری کے جوہر دکھا چکے ہیں۔