بھارت میں ساؤتھ کے مشہور اداکار ”رجنی کانت“ کے مداحوں کو 10 اگست کا بے صبری سے انتظار ہے، کیونکہ وہ دو سال بعد ایک بار پھر بڑی اسکرین پر فلم ”جیلر“ کے ساتھ واپس آرہے ہیں۔

بھارت میں رجنی کانت کے پرستار مقامی تھیٹروں کو پوسٹروں اور ہاروں سے سجانے میں کوئی کسر نہیں چھوڑ رہے۔

اس دوران ایک دفتر نے ”جیلر“ کی ریلیز کے دن چھٹی کا اعلان کیا ہے، ساتھ ہی فلم کے مفت ٹکٹ بھی تقسیم کیے ہیں۔

دفتر کی جانب سے جاری نوٹس میں کہا گیا کہ ’سپر اسٹار رجنی کی فلم ”جیلر“ کی ریلیز کی وجہ سے ہم نے 10 اگست 2023 کو چھٹی کا اعلان کرنے کا فیصلہ کیا ہے، تاکہ ایچ آر ڈیپارٹمنٹ کو موصول ہونے والی چھٹی کی درخواستوں سے بچا جا سکے۔‘

اکنامک ٹائمز کی ایک رپورٹ میں یہ بھی کہا گیا ہے کہ چنئی اور تمل ناڈو کے بعض دفاتر نے بھی اپنے ملازمین کو ”جیلر“ کے مفت ٹکٹ فراہم کرنے کا بھی منصوبہ بنایا ہے۔

فلم ”جیلر“ نیلسن دلیپ کمار کی تحریر اور ہدایت کردہ ایک مکمل ایکشن فلم ہے۔

فلم میں رجنی کانت مرکزی کردار میں ہیں۔ جبکہ جیکی شروف، رامیا کرشنن، تمنا اور ونائکن معاون کاسٹ کا حصہ ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں  https://bit.ly/3Tv8a3P اور بیل آئیکن پر کلک کریں