اقرا عزیز پاکستانی ڈرامہ انڈسٹری کی ایک بہترین اداکارہ ہیں ان کی لازوال اداکاری کی صلاحیت کی وجہ سے انہیں پاکستان شوبز انڈسٹری کی صف اول کی اداکاراؤں میں شمار کیا جاتا ہے۔
وہ نہایت خوبصورت اور انتہائی باصلاحیت اداکارہ ہیں، اقرا عزیز کئی سپر ہٹ ڈراموں میں جلوہ گر ہوچکی ہیں جن میں رانجھا رانجھا کردی، رقیب سے، خدا اور محبت 3 اور سنو چندا شامل ہیں۔
اقرا عزیز کی شادی پاکستان ٹیلی ویژن کے مشہور اداکار اور ہدایت کار یاسر حسین سے ہوئی ہے جبکہ اس خوبصورت اس جوڑے کا ایک پیارا سا بیٹا بھی جس کا نام کبیر ہے، اقراء عزیز مداحوں کی ایک بڑی تعداد رکھتی ہی جو نہ صرف ان کے کام کو سراہتے ہیں بلکہ ان کے آنے والے پروجیکٹ کے منتظر بھی رہتے ہیں۔
اقرا عزیز کو حال ہی میں نجی ٹی وی کے ایک شو میں بطور مہمان مدعوکیا گیا جہاں انہوں نے اپنی ذاتی اور پیشہ ورانہ زندگی کے بارے میں کھل کر بات کی۔ شو کے دوران حاضرین میں سے کسی نے سوال کیا کہ سنو چندا کا سیزن تھری کب آئے گا، واضح رہے کہ سنو چندا اقرا عزیز کا ایک سپر ہٹ ڈرامہ تھا جس کے دو سیزن نشر ہو چکے ہیں۔
اقرا عزیز نے اس سوال کا جواب دیتے ہوئے کہا کہ مجھے بہت خوشی ہے کہ لوگوں کو بہت لگاؤ ہے اس پروجیکٹ سے اور وہ ارسل اور جیا کو دیکھنا چاہتے ہیں تاہم اس میں ہماری کوئی مرضی نہیں چلتی، جب چینل اور پروڈکشن ہاؤس یہ فیصلہ کرے گا جی اب اس کا سیزن تھری کرنا چاہئے تو وہ تیار کریں گے، لیکن مجھے ایسا لگتا ہے کہ جتنے بھی کسی چیز کے پارٹس بنتے ہیں ناں پھر اس کا انٹرسٹ اور اس کا چارم کم ہونے لگتا ہے۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News