شاہ رخ خان کے بڑے صاحبزادے آریان خان کی ہدایت کاری میں بننے والی پہلی فلم اسٹارڈم تکمیل کے آخری مرحلے میں ہے۔

شاہ رخ خان اس وقت جوان کی کامیابی کا جشن منا رہے ہیں ، خان خاندان کی کامیابیوں کا سفر جاری ہے ، سپر اسٹار کی بیٹی سہانا خان اس سال کے آخر میں زویا اختر کی فلم دی آرچیز میں اپنی اداکاری کا آغاز کرنے کے لیے تیار ہیں، جس کا پریمیئر 7 دسمبر کو نیٹ فلکس پر ہونا ہے۔

 اس کے علاوہ شاہ رخ  کے بڑے صاحبزادے آریان خان نے اداکاری کے بجائے ہدایت کاری کا انتخاب کرتے ہوئے ایک مختلف راستہ منتخب کیا ہے، وہ لکھنے اور ڈائریکشن پر توجہ  دے رہے ہیں، اسٹار کڈ اپنی  ہدایت کاری میں بننے والی فلم  اسٹارڈم کے لیے کافی پرجوش نظر آرہے ہیں۔

آریان خان نے اپنے اس پروجیکٹ کا آغاز اس سال جولائی میں کیا تھا، اس میں بالی ووڈ کے ہیوی ویٹ اداکار مختصر کردار ادا کریں گے، جن میں شاہ رخ خان، رنبیر کپور، رنویر سنگھ، کرن جوہر، اور بوبی دیول شامل ہیں۔

لکشیا لالوانی کی سربراہی میں، یہ سیریز ہندی فلم انڈسٹری میں ایک افسانوی جھلک پیش کرے گی۔

اندرونی ذرائع کے مطابق سیریز کی شوٹنگ آخری مراحل میں ہے، اسٹارڈم کی ٹیم اس وقت علی باغ میں اس کی شوٹنگ کر رہی ہے۔ شو کا حتمی شیڈول اس ماہ کے آخر میں ہونے والا ہے اور اس کے ساتھ ہی آریان خان اس پروجیکٹ کو سمیٹیں گے جس کا تصور انہوں نے ایک سال سے زیادہ پہلے شروع کیا تھا۔

شو کے آخری مرحلے کی شوٹنگ ممبئی کے نریمن پوائنٹ میں ایک کثیر ثقافتی مرکز میں کی جائے گی اور اس میں ایک وسیع سیٹ پیش کیا جائے گا جو ستاروں سے جڑے ایوارڈ فنکشن کا ایک منظر پیش کرے گا۔

اپنے ہدایت کاری کے کاموں کے علاوہ، آریان خان نے حال ہی میں اپنے برانڈ، ڈی یاول کے لیے ایک اشتہاری فلم کی ہدایت کاری کی، جس میں ان کے والد، شاہ رخ خان بھی تھے۔

Advertisement

 

Advertisement

View this post on Instagram

Advertisement

Advertisement

Advertisement

Advertisement

 

A post shared by Aryan Khan (@___aryan___)

Advertisement

آریان خان نے سنیمیٹک آرٹس میں بیچلر آف فائن آرٹس کی ڈگری حاصل کی ہے، وہ یونیورسٹی آف سدرن کیلیفورنیا کے اسکول آف سنیمیٹک آرٹس سے فلم اور ٹیلی ویژن پروڈکشن میں مہارت رکھتے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں  https://bit.ly/3Tv8a3P اور بیل آئیکن پر کلک کریں