بین الاقوامی پنجابی فلم “اینی ہاؤ مٹی پاؤ” کا پریمیئر شو مقامی سینما میں منعقد کیا گیا، پریمیئر شو کے دوران اکرم اداس اور وکی کوڈو کی اداکاری پر فلم بین لوٹ پوٹ ہوتے رہے۔
مقامی سینما میں ہونے والے شو میں فلم کی کاسٹ میں شامل اکرم اداس اور وکی کوڈو سمیت اداکارہ روبی انعم، ظفری خان، عاصمہ بٹ، دردانہ رحمان، اظہر بٹ، شیخ عابد رشید، صفدر ملک، سہیل ملک، مسعود بٹ، جرار رضوی ، ٹائیگر شاہ اور دیگر نے شرکت کی۔
میڈیا سے گفتگو کرتے ہوئے اداکار اکرم اداس نے کہا کہ فلم اینی ہاؤ مٹی پاؤ پاکستان سمیت دنیا بھر میں ریلیز ہوگئی ہے۔ آج کے پریمیئر شو میں اتنے لوگوں کا آنا اس بات کی غمازی کرتا ہے کہ فلم اچھی ہو تو اس کو پسند کیا جائے گا۔
انہوں نے کہا کہ ہمارے علاوہ اور بھی پاکستانی فنکار ہمسایہ ملک کی فلموں میں کام کررہے ہیں اور یہ ایک اچھا قدم ہے۔
اداکارہ روبی انعم نے کہا کہ ہمارے فنکاروں کو انڈین پنجابی فلموں میں پسند کیا جاتا ہے۔ وہ اب ان فلموں کی ضرورت بن چکے ہیں۔
روبی انعم کہتی ہیں فلم اینی ہاؤ مٹی پاؤ کے ڈائریکٹر جنجوت سنگھ کی یہ چوتھی فلم ہے۔ جنجوت سنگھ نے ثابت کردیا ہے کہ وہ عوام کی نبض کو دیکھ کر ہی فلم بناتے ہیں۔
اداکار ظفری خان کہتے ہیں کہ افتخار ٹھاکر، روبی انعم، ناصر چینوٹی نے انڈین پنجابی فلموں میں اپنا لوہا منوایا ہے۔ وہاں ہمارے آرٹسٹوں کو عزت دی جاتی ہے۔ اکرم اداس اور وکی کوڈو کو اینی ہاؤ مٹی پاؤ پر مبارکباد دینے آئے ہیں۔
اظہر بٹ نے کہا کہ ہمسایہ ملک کی فلموں نے پاکستان میں اپنی ایک آڈینس بنائی ہے, اس سے پاکستانی سینما گھروں کی رونقیں بحال ہورہی ہیں۔
فلم کے رائٹرجسگریوال نے فلم کے ڈائیلاگ کمال کے لکھے ہیں۔ فلم میں فراڈ اور دھوکا دہی کو موضوع بنایا گیا ہے۔ فلم کی کاسٹ میں ہریش ورما، عمارہ دستور، بی این شرما، نرمل رشی، سیما کوشل، پرکاش گادو، اکرم اداس اور وکی کوڈو شامل ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News