عینا آصف انڈسٹری کی ایک کم عمر، باصلاحیت اور خوبصورت ابھرتی ہوئی اداکارہ ہیں۔ انہوں نے حال ہی میں ختم ہونے والے ڈرامے مائی ری میں اینی کے کردار سے لوگوں کے دل جیت لیے ہیں۔ اور یہ کردار صرف 15 سال کی عمر میں عینا آصف کو چائلڈ اسٹار سے سیدھا لیڈ کیٹیگری میں لے آیا۔
عینا کا شمار ان اداکاراؤں میں ہوتا ہے جنہوں نے چھوٹی عمر میں بطورچائڈ اسٹار اپنی اداکاری کا آغاز کیا۔ واضح رہے کہ عینا نے پہلی سی محبت سے شہرت حاصل کی۔ تاہم ان کا ڈرامہ ہم تم بھی خاصا مقبول ہوا، اس کے علاوہ وہ پنجرہ، پہچان اور بے بی باجی سمیت کئی ڈراموں میں بھی پرفارم کر چکی ہیں۔
عینا آصف کئی سپر ہٹ ٹیلی ویژن سیریلز میں کام کرنے کے بعد اب وہ سوشل میڈیا پر کافی مقبولیت حاصل کر رہی ہیں اور مائی ری میں ان کی اداکاری کو بےحد سراہا گیا ہے۔
عینا کو ایک نجی چینل کے شو میں بطور مہمان مدعو کیا گیا جہاں انہوں نے میزبان کے ساتھ ہلکے پھلکے انداز میں بات کرتے ہوئے ذاتی اور شوبز انڈسٹری کے بارے میں اپنی رائے کا ظہار کیا۔
میزبان کے ایک سوال پر کے آپ اس انڈسٹری میں کس اداکارہ سے متاثر ہیں اور مستقبل میں کن اسٹار کی طرح نظر آنا چاہتی ہیں تو اس پر عینا کا کہنا تھاکہ وہ صبا قمر اور یمنہ زیدی کی بہت بڑی مداح ہیں اور انہیں بے حد پسند کرتی ہیں اور وہ ان کی طرح کام کر کے کامیاب ہونا چاہتی ہیں۔ دونوں اداکارائیں ان کے لیے ایک تحریک ہیں اور وہ ان کے ساتھ اداکاری کرنا چاہتی ہیں، جبکہ مرد اداکاروں میں انہوں نے بلال اشرف کا نام لیا کہ وہ انہیں بہت پسند ہیں ساتھ ہی انہوں نے پروگرام کے میزبان عمران اشرف کی تعریف کرتے ہوئے کہاکہ انہوں نے عمران اشرف سے بھی بہت کچھ سیکھا ہے۔
عینا نے مائی ری میں شہرت ملنے کے ساتھ تنقید کے حوالے سے بھی بات کی، ان کا کہنا تھا کہ بہت اچھا احساس ہوتا ہے جب لوگ آپ کی تعریف کر رہے ہوتے ہیں لیکن تنقید کو سنبھالنا آسان نہیں ہوتا۔ جب لوگ کسی بھی پروجیکٹ کی کامیابی کے بعد منفی باتیں کرتے ہیں تو آپ کو لگتا ہے کہ آپ کی ساری محنت رائیگاں چلی گئی ہے۔
عینا نے اس متنازعہ طلاق پر بھی بات کی جو مائی ری کے اختتام پر دکھائی گئی تھی۔ عینا نے کہا کہ اگرچہ اینی اور فاخر ایک دوسرے کے لیے اچھے تھے لیکن وقت بالکل ٹھیک نہیں تھا۔ وہ یہ بھی دکھانا چاہتے تھے کہ بچپن کی شادی ایک غلط عمل ہے اس لیے طلاق ضروری تھی۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں https://bit.ly/3Tv8a3P اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News