حال ہی میں دوسری مرتبہ شادی کے بندھن میں بندھنے والی ماہرہ خان نے اپنی شادی پر سجنے والی قوالی نائٹ کی تصاویر اور ویڈیو شیئر کر دیں۔
پاکستانی فلموں اور ٹیلی ویژن کی خوبصورت اداکارہ ماہرہ خان کی ستاروں سے سجی، شاندار شادی آج بھی سوشل میڈیا پر سرخیوں میں ہے۔ اس کی وجہ یہ ہے کہ ماہرہ خان نے اپنے انسٹاگرام پر جاری کردہ پیغام میں کہا تھا کہ وہ جلد شادی کی دیگر تقریبات کی تصاویر مداحوں سے شیئر کریں گی اور اسی حوالے سے وہ اب گاہے بگاہے شادی کی تقاریب کی تصاویر اور ویڈیوز شیئر کر رہی ہیں جس میں اب قوالی نائٹ کی تصاویر اور ویڈیوز شیئر کی گئی۔
اس سے قبل ماہرہ خان نے مہندی اور پوری شادی کی ایچ ڈی ویڈیوز شیئر کی تھیں۔ شائقین نے مختلف تقریبات میں ماہرہ خان کے خوبصورت انداز کو بے حد پسند کیا۔ انہیں ان کے شوہر سلیم کریم کے ساتھ ان کی تصاویر بھی پسند آئیں۔
؎
ماہرہ خان نے اب شادی میں سجنے والی قوالی نائٹ پروگرام کی بھی ایک جھلک دکھائی دی ہے جس میں معروف گلوکارہ عابدہ پروین نے اپنے سُر بکھیرے اور کلام ’تو جھوم جھوم‘ پیش کر کے تمام حاضرین کو جھومنے پر مجبور کر دیا،
اداکارہ نے مذکورہ ویڈیو کے کیپشن میں لکھا کہ جو مجھے جانتا ہے وہ عابدہ پروین کو بھی جانتا ہے، میرا تمام پیار اور عزت ان کے لئے، الحمد اللّہ، شکر، صبر، شکر۔
AdvertisementAdvertisementView this post on InstagramAdvertisementAdvertisementAdvertisementAdvertisement
ماہرہ خان نے تقریب کی خوبصورت ویڈیو پوسٹ کی ہے۔ اس تقریب میں شوبز ستاروں کی بڑی تعداد نے شرکت کی تھی جس میں سرمد کھوسٹ، فواد خان، اذان سمیع خان، نینا کاشف، نبیل قریشی اور دیگر شوبز کی مشہور شخصیات شامل ہیں۔ ماہرہ خان ہلکے سبز اور گولڈن اور بلیو رنگ کے دیدہ زیب لباس میں خوبصورت لگ رہی تھیں، وہ اپنے شوہر سلیم کریم کے ساتھ قوالی کی تقریب میں جلوہ گر ہوئی تھیں۔
ماہرہ خان کی شادی 2 اکتوبر کو ان کے دیرینہ دوست بزنس مین سلیم کریم سے ہوئی تھی جس کے بعد انہیں شوبز سمیت تمام ہی شعبہ ہائے زندگی سے تعلق رکھنے والے افراد کی جانب سے شادی کی مبارک باد پیش کی گئی اور نئے جوڑے کے لیے نیک تمناؤں کا اظہار کیا گیا۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں https://bit.ly/3Tv8a3P اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News