معروف مصنف وہدایت کار خلیل الرحمان قمر نے ماہرہ خان سے معافی کا مطالبہ کیا ہے، جس کے بعد سوشل میڈیا پر ایک نئی بحث چھڑ گئی۔

پاکستان شوبز انڈسٹری کے نامور مصنف خلیل الرحمان قمر حال ہی میں اداکار و میزبان احمد علی بٹ کی پوڈکاسٹ میں شریک ہوئے۔

دوران گفتگو احمد علی بٹ کی جانب سے ماہرہ خان سے ناراضی کی وجہ پوچھنے پر خلیل الرحمان نے کہا کہ ماہرہ خان سے ناراض نہیں بلکہ اس کے عمل سے مجھے نفرت ہے، میں نفرت کرنے والا آدمی نہیں ہوں، ناراضی ختم ہوجاتی ہے لیکن نفرت ختم نہیں ہوتی۔

انہوں نے کہاکہ نفرت ختم ہونے کے لیے ضروری ہے کہ ماہرہ خان مجھ سے معافی مانگے، اس سے زیادہ کچھ نہیں کرسکتا۔

معافی کی وضاحت دیتے ہوئے مصنف نے کہا کہ ’میرا اور ماہرہ خان سے عزت اور احترام کا رشتہ تھا، اداکارہ عائزہ خان کے بعد اگر میں نے کسی کا احترام کیا ہے تو وہ ماہرہ خان تھی۔

انہوں نے کہا کہ ماہرہ خان کے پاس آپشن تھا کہ وہ فون کال کے ذریعے مجھ سے وضاحت مانگتی، یہ ہم دونوں کی بدنصیبی ہے کہ اب ہم دنوں ایک ساتھ کام نہ کریں۔

ماہرہ خان اور خلیل الرحمان کے درمیان حائل ہونے والی شدید نفرت کی وجہ ماہرہ خان کا ماضی کا ایک ٹوئٹ تھا۔

اس ٹوئٹ کی وجہ سے آج تک خلیل الرحمان اور ان کے درمیان نفرت کی ایک دیوار موجود ہے۔

خلیل الرحمان قمر نے حال ہی میں ایک انٹرویو کے دوران پاکستان شوبز انڈسٹری اورفنکاروں سے متعلق باتیں کیں جوکہ اب متنازعہ صورت اختیار کر گئی ہیں۔

رپورٹ کے مطابق اس شو کے ایک سیگمنٹ کے دوران میزبان کی جانب سے خلیل الرحمان قمر کو چند فنکاروں کی تصاویر دکھائی گئیں اور انہوں نے ان کے بارے میں اپنی رائے کا اظہار کیا۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Mahira Khan (@mahirahkhan)

اس سے قبل ایک ٹی وی شو میں خلیل صاحب کو سپر اسٹار ماہرہ خان کی تصویر دکھائی گئی تو انہوں نے کہا مجھے زندگی بھرکا غم ہے اس نے میری زندگی کا سیریل کیا اور اس میں یہ ہیروئن تھی اور یہ غم مجھے ہمیشہ رہے گا۔

اس شو میں اداکار عدنان ملک کو تو خلیل الرحمان قمر نے پہلے پہچاننے سے ہی انکار کردیا اور پھر کہا ان کے بارے میں میرے وہی خیالات ہیں جوماہرہ خان کے بارے میں ہیں۔

واضح رہے کہ اداکارہ ماہرہ خان اور عدنان ملک نے خلیل الرحمان قمر کے لکھے ہوئے ڈرامے ’’صدقے تمہارے‘‘ میں مرکزی کردار ادا کیے تھے۔

یہ ڈراما 2014 میں ایک نجی ٹی وی چینل سےنشر کیا گیا تھا۔

یہ ڈراما خلیل الرحمان قمر کی زندگی پر مبنی تھا اور اداکار عدنان ملک نے اس میں خلیل الرحمان قمر کا کردار نبھایا تھا۔