معروف پاکستانی اداکار لطیف کپاڈیہ کی 22ویں برسی آج منائی جارہی ہے

ویب ڈیسک

29th Mar, 2024. 10:11 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

معروف پاکستانی اداکار لطیف کپاڈیہ کی 22ویں برسی آج منائی جارہی ہے

پاکستان کے مشہور و معروف اداکار لطیف کپاڈیہ کی 22ویں برسی آج منائی جارہی ہے۔

اداکار لطیف کپاڈیہ 27 مارچ 1934 کو برٹش انڈیا کے شہر ناسک میں پیدا ہوئے اور قیام پاکستان کے بعد وہ کراچی منتقل ہو گئے۔

بنیادی طور پر وہ بینکاری کے شعبے سے وابستہ تھے لیکن اداکاری کا شوق رکھتے تھے۔

پچاس کی دہائی میں جب تھیٹر اپنے عروج پر تھا تو لطیف کپاڈیہ نے بھی کئی ڈراموں میں یادگار کردار نبھائے اور تھیٹر کے منجھے ہوئے فنکار کے طور پر اپنی پہچان بنائی، لطیف کپاڈیہ 60 کی دہائی میں پاکستان ٹیلی ویژن سے منسلک ہو گئے۔

ان کا 1967 میں پہلا ٹی وی ڈرامہ ’شیشے کا آدمی‘ پیش کیا گیا جس کے بعد انہوں نے بارش، ففٹی ففٹی، برزخ، نادان نادیہ اور شکست آرزو میں اپنی بہترین اداکاری کے جوہر دکھائے۔

اداکار لطیف کپاڈیہ کو فنی خدمات کے صلے میں 23 مارچ 2001 کو تمغہ حسن کارکردگی سے نوازا گیا۔

لطیف کپاڈیہ 29 مارچ 2002 کو 68 برس کی عمر میں انتقال کرگئے تھے۔