پاکستان کی معروف و سینئر اداکارہ ریشم نے کہا ہے کہ ہمیں گلوکار راحت فتح علی خان کو پہلے سے زیادہ عزت و محبت دینی چاہیے۔
حال ہی میں اپنے دیے گئے ایک انٹرویو میں اداکارہ ریشم نے راحت فتح علی خان کی ملازم پر تشدد کرتے وائرل ہونے والی ویڈیو کے واقعے کے بارے میں بات کی۔
ان کا کہنا تھا کہ راحت فتح علی خان ہمارے ملک کا بہت بڑا نام ہیں وہ جہاں بھی گئے اُنہوں نے ہمیشہ پاکستان کا نام روشن کیا ہے۔
انہوں نے کہا کہ میرے دل میں راحت فتح علی خان صاحب کی ایک بات بہت اچھی لگی کہ جس انسان کا اُنہوں نے دل دکھایا اس سے بھی معافی مانگی، اللّٰہ سے معافی مانگی، پھر ہم سب لوگوں سے بھی معافی مانگی جس کے بعد میری نگاہ میں ان کی عزت پہلے سے زیادہ بڑھ گئی۔
ریشم نے کہا کہ دنیا میں ایسے بہت کم لوگ ہوتے ہیں جو اپنی غلطی کو مانتے ہیں، اس لیے ہمیں چاہیے کہ ہم راحت فتح علی خان صاحب کو پہلے سے زیادہ عزت اور محبت دیں۔
خیال رہے کہ رواں سال 27 جنوری کو سوشل میڈیا پر راحت فتح علی خان کی ایک ویڈیو وائرل ہوئی تھی جس میں وہ اپنے گھریلو ملازم پر تشدد کررہے تھے۔
اس ویڈیو میں گلوکار ملازم سے ’بوتل‘ کا پوچھتے رہے، جس کے بعد اپنے بیان میں راحت فتح علی خان نے معافی مانگتے ہوئے کہا کہ یہ استاد اور طالب علم کے درمیان ذاتی معاملہ ہے۔
ویڈیو میں ساتھ موجود ملازم نے بھی وضاحتی بیان میں کہا کہ ویڈیو میں جس بوتل کی وجہ سے تنازع کھڑا ہوا، اس میں پانی تھا اور وہ ان کے مرشد نے پڑھا ہوا تھا، وہ بوتل مجھ سے گم ہو گئی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News