اداکارہ ادیتی راؤ حیدری اور سدھارتھ کئی سال ایک دوسرے کو ڈیٹ کرنے کے بعد شادی کے بندھن میں بندھ گئے ہیں۔

میڈیا رپورٹس کے مطابق معروف اداکارہ ادیتی راؤ حیدری اور اداکار سدھارتھ نے سری رنگنایکا سوامی مندر، سری رنگا پورم مندر، تلنگانہ میں ایک تقریب میں شادی کی ہے۔

ادیتی اور سدھارتھ کی شادی کی تقریبات تمل ناڈو کے پجاریوں نے اداکار کی رسومات کو ذہن میں رکھتے ہوئے کیں تاہم جوڑے نے ابھی تک شادی کے بارے میں کوئی باضابطہ اعلان نہیں کیا ہے۔

رپورٹ میں مزید کہا گیا ہے کہ ادیتی اور سدھارتھ شادی کے بندھن میں بندھنے کا فیصلہ کرنے سے پہلے کئی سالوں سے ایک ساتھ رہ رہے تھے۔

انہوں نے 2021 میں ریلیز ہونے والی فلم مہا سمندرم کے لیے ایک ساتھ کام کیا تھا جس کے بعد سے دونوں ایک دوسرے کو ڈیٹ کر رہے تھے۔

خیال رہے کہ یہ ادیتی کی دوسری شادی ہے۔ ان کی شادی پہلے ستیہ دیپ مشرا سے ہوئی تھی لیکن وہ 2013 میں الگ ہو گئے تھے جبکہ سدھارتھ نے نومبر 2003 میں میگھنا سے بھی شادی کی تھی اور جنوری 2007 میں ان کی طلاق ہوگئی۔