بالی ووڈ اداکار نوازالدین صدیقی اور ان کی اہلیہ عالیہ اپنی علیحدگی کے 14 ماہ بعد آپسی مسائل پر مفاہمت کرتے ہوئے دونوں نے اپنے بچوں کی خاطر صلح کر لی ہے۔

میڈیا رپورٹس کے مطابق معروف اداکار نوازالدین صدیقی اور ان کی اہلیہ عالیہ صدیقی نے اپنی بیٹی شورہ اور بیٹے یاانی کی خاطر صلح کرنے کا فیصلہ کیا ہے۔

Advertisement

 

Advertisement

View this post on Instagram

Advertisement

Advertisement

Advertisement

Advertisement

 

A post shared by Aaliya Anand pandey (@aaliya_anand_pandey_)

Advertisement

عالیہ نے حال ہی میں اپنی اور نوازالدین کی شادی کی 14ویں سالگرہ مناتے ہوئے ایک فیملی فوٹو سوشل میڈیا پر شیئر کی تھی، جس کی وجہ سے ان کی صلح کے بارے میں قیاس آرائیاں شروع ہو گئیں تھیں تاہم اب، عالیہ نے تصدیق کی ہے کہ وہ واقعی ایک ساتھ واپس آگئے ہیں۔

اس حوالے سے میڈیا آؤٹ لیٹ سے بات کرتے ہوئے انہوں نے بتایا کہ حالیہ دنوں میں، میری زندگی میں کچھ چیزیں بدلی ہیں۔ میں نے محسوس کیا کہ جب ہم دنیا کے ساتھ بری چیزیں شیئر کرتے ہیں تو ہمیں اچھی چیزوں کو بھی شیئر کرنا چاہیے۔ مجھے لگتا ہے کہ جو اچھا ہے اسے بھی دیکھنا چاہیے۔ نواز بھی یہاں تھے اس لیے ہم نے بچوں کے ساتھ شادی کی سالگرہ منائی۔

عالیہ نے مزید کہا، مجھے لگتا ہے کہ ہمیں اپنے رشتے میں جو پریشانی کا سامنا کرنا پڑا وہ ہمیشہ کسی تیسرے شخص کی وجہ سے تھا۔ لیکن اب وہ غلط فہمی ہماری زندگی سے دور ہے۔ اپنے بچوں کی وجہ سے، ہم نے مکمل طور پر ہتھیار ڈال دیے ہیں۔ اب زندگی میں الگ ہونے کا کوئی آپشن نہیں ہے، کیونکہ بچے بھی بڑے ہو رہے ہیں۔ نیز، نواز شورہ کے بہت قریب ہیں اور جو کچھ بھی ہوا اس کے بعد وہ بہت پریشان تھیں۔ وہ اسے برداشت نہیں کر سکتی تھی۔ لہٰذا ہم نے فیصلہ کیا کہ ہم مزید لڑائی نہیں کریں گے اور پرامن طریقے سے ایک ساتھ رہیں گے۔

خیال رہے کہ یہ دوسری بار ہے جب جوڑے نے علیحدگی کا اعلان کرنے کے بعد صلح کرنے کا فیصلہ کیا ہے۔ مئی 2020 میں، عالیہ نے اداکار کو واٹس ایپ اور ای میل کے ذریعے طلاق کا نوٹس بھیجا تھا اور تقریباً ایک سال بعد، اس نے طلاق کا نوٹس واپس لینے کا فیصلہ کیا اور نوازالدین کے ساتھ صلح کرنے کے اپنے ارادے کا اعلان کیا۔