ریما خان کا ناصر ادیب کے بیان پر شائستہ جواب

ویب ڈیسک

13th Dec, 2024. 04:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ریما خان کا ناصر ادیب کے بیان پر شائستہ جواب

ریما خان پاکستانی فلم انڈسٹری کی صف اول کی اداکارہ ہیں، بلندی فلم سے اداکاری کا آغاز کرنے والی ریما نے فلموں کے ساتھ ڈراموں اور میزبانی میں بھی اپنے آپ کو منوایا۔

ریما خان نے اپنے کیرئر کے عروج پر ڈاکٹر طارق شہاب سے شادی کر کے شوبز انڈسٹری کو خیرباد کہہ دیا، جبکہ ریما خان اور ڈاکٹر شہاب امریکہ میں ایک خوشگوار ازدواجی زندگی گزار رہیں ہیں ان کا ایک خوبصورت بیٹا بھی ہے۔ ریما کبھی کبھار وطن واپس آتی ہیں اور ان کے مداح انہیں اسکرین پر دیکھ کر بے حد مسرور ہوتے ہیں۔

حال ہی میں فلموں کے مصنف ناصر ادیب نے اپنے ایک انٹرویو میں ریما خان کے کیریئر کے بارے میں بات کی اور بتایا کہ انہوں نے فلموں میں آنے سے پہلے ریما خان سے ملاقات کی تھی اور انہیں ایک فلم کے لیے مسترد کر دیا تھا۔ ان کی جانب سے ریما کے حوالے سے شیئر کی گئی تفصیلات بہت متنازعہ تھیں اور یہی وجہ ہے کہ ان کے انٹرویو کے بعد ریما کے کئی ساتھیوں نے ان پر تنقید کرتے ہوئے کہا کہ یہ باتیں بے جا تھی۔

تاہم اب ریما خان نے اس متنازعہ انٹرویو کا بہت ہی شائستہ انداز میں جواب دیا ہے۔ انہوں نے اپنے مداحوں کے لیے جمعہ مبارک کا پیغام پوسٹ کیا اور کہا کہ انسان اللہ کی بہترین تخلیق تب ہی بن سکتا ہے جب دوسرے اس کے شر سے محفوظ رہیں۔