پاکستانی شو بز انڈسٹری میں بشریٰ انصاری کا نام کسی تعرف کا محتاج نہیں۔ وہ ایک تجربہ کاراور نہایت ہی باصلاحیت اداکارہ ہیں۔

مزاحیہ اداکاری ہو یا سنجیدہ نوعیت کے کرداربشریٰ انصاری سے بہتر کوئی ادا نہیں کرسکتا اور نہ ہی دور دور تک ان کا کوئی ثانی  ہے، بات یہی ختم نہیں ہوتی وہ ایک بہترین گلوکارہ، عمدہ رائٹراوراعلیٰ پائے کی میزبان بھی ہیں۔

ان کے مشہور ٹیلی ویژن ڈراموں میں ،آنگن تیڑا، بارات سیریز، پردیس، سیٹابھاگڑی، بلقیس کور، اڈاری، بادلوں پر بسیرا، تیرے بن، زیبائش، دیوار شب، ویری فلمی اور دیگرشامل ہیں۔

حال ہی میں بشریٰ انصاری نے اپنے ایک وی لاگ میں ان تمام یوٹیوبرز کو آڑے ہاتھوں لیا جو اداکاروں کے بارے میں جھوٹی خبریں پھیلاتے ہیں۔

بشریٰ انصاری نے کہا، ان تمام یوٹیوبرز پر لعنت جو میرے بارے میں عجیب و غریب ویڈیوز بناتے ہیں۔ ایک یوٹیوبر نے دعویٰ کیا کہ میری بیٹی نے مجھے اپنے گھر سے نکال دیا ہے۔

 ایسا کچھ بھی نہیں ہوا، وہ میرے ہی گھر میں رہ رہی ہے، میرے پاس کینیڈا میں ایک گھر ہے جس میں وہ رہتی ہے، یہ ہمارا مشترکہ گھر ہے۔ مجھے نہیں سمجھ آتا کہ وہ کیوں ایسے جھوٹ بولتے ہیں اور جھوٹی خبریں پھیلاتے ہیں۔

 اللہ انہیں سزا دے اور ان کی آواز سے ہی پتہ چلتا ہے کہ وہ کس طبقے سے تعلق رکھتے ہیں۔ انہوں نے کہا وہ ایک لڑکی ہے جس کی آواز اور لہجہ بہت عجیب ہے۔ میں آپ سب سے درخواست کرتی ہوں کہ ان کو ویوز دینا بند کر دیں۔

آپ پڑھے لکھے اور باشعور ہیں ایسے گھٹیا لوگوں کی باتوں پر بلکل یقین نہ کریں،  آپ لوگ سوشل میڈیا ایپلی کیشنز زیادہ استعمال کرتے ہیں اور ان کو ویوز دے کر آپ انہیں مضبوط بنا رہے ہیں۔ ان کا کام اداکاروں کے بارے میں جھوٹی موت اور طلاق کی خبریں پوسٹ کر کے ویوز حاصل کرنا ہے۔