ڈراموں میں رونے کا کردار مشکل ہوتا ہے، سارہ خان

ویب ڈیسک

13th Mar, 2025. 10:44 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ڈراموں میں رونے کا کردار مشکل ہوتا ہے، سارہ خان

پاکستان کی معروف اداکارہ سارہ خان نے اپنے مختلف ڈراموں میں رونے والے کرداروں پر بات کرتے ہوئے انکشاف کیا کہ ان کے لئے رونا بہت مشکل ہے۔

حال ہی میں اداکارہ سارہ خان نے برطانیہ میں ایک تقریب کے دوران ڈراموں میں اپنے رونے والے سین سے متعلق بات کی۔

انہوں نے کہا کہ میں زیادہ تر روتے دھوتے کردار ادا کرتی ہوں لیکن ایسے کرداروں کی شوٹنگ کرواتے ہوئے میرے لیے رونا بہت مشکل ہوتا ہے۔

اداکارہ کا کہنا تھا کہ میں زیادہ تر اداس کردار ادا کرتی ہوں لیکن مناظر کے دوران رو نہیں سکتی، میں دکھی مناظر میں بھی بمشکل ہی رو پاتی ہوں۔

سارہ خان نے بتایا کہ میری اصل زندگی میں غمگین واقعات ہوئے تو ہیں لیکن انہیں یاد کر کے بھی مجھے رونا نہیں آتا۔

اداکارہ نے مزید کہا کہ میں ڈراموں میں رونے کے لیے ہمیشہ مصنوعی چیزوں کا استعمال کرتی ہوں کیونکہ میں وہ والی اداکارہ نہیں ہوں جو غمگین مناظر کی شوٹنگ کرواتے ہوئے آسانی سے رونے لگے۔