سوشل میڈیا پر ان دنوں ایک کم عمر بچی کی اسٹیج پرفارمنس کی ویڈیو تیزی سے گردش کر رہی ہے اور دلچسپ بات یہ ہے کہ یہ بچی آج پاکستان کی معروف اداکاراؤں میں سے ایک ہیں۔
ویڈیو میں ننھی بچی ایک اسکول فنکشن میں بینڈ کے ساتھ اسٹیج پر کھڑی مسکراتے ہوئے نظم پڑھ رہی ہے۔ جیسے ہی یہ ویڈیو شیئر ہوئی، متعدد صارفین نے معصوم چہرے کی پہچان کرتے ہوئے اندازہ لگالیا کہ یہ کس اداکارہ کا بچپن ہے۔
View this post on Instagram
سوشل میڈیا پر وائرل ہونے والی ویڈیو کسی اور کی نہیں بلکہ اداکارہ حرا مانی کے بچپن کی ہے۔
ویڈیو سے صاف ظاہر ہوتا ہے کہ حرا مانی کے اندر اس وقت بھی اعتماد، پرفارمنس کی صلاحیت اور فن سے لگاؤ موجود تھا، جس نے آگے چل کر انہیں کامیاب اداکارہ بنانے میں اہم کردار ادا کیا۔
حرا مانی آج پاکستان کی معروف ترین اور باصلاحیت اداکاراؤں میں شمار ہوتی ہیں، ان کے دنیا بھر میں لاکھوں فالوورز موجود ہیں۔ انسٹاگرام پر ان کے فالوورز کی تعداد 85 لاکھ سے زائد جبکہ فیس بک پر 19 لاکھ سے زیادہ ہے، جو اُن کی پوسٹس پر بھرپور ردِعمل دیتے ہیں۔
