دنیا بھر کے20 لاکھ سے زائد بچے مختلف اقسام کی جان لیوا  بیماریوں سے بچاو کے حفاظتی  ٹیکے  لگوانے سے محروم ہیں  ۔

اقوام متحدہ کے ادارہ برائے اطفال یونیسیف اور ور ورلڈ  ہیلتھ  آرگنائزیشن کی رپورٹ کے مطابق گزشتہ برس  دنیا بھر کے تقریبا 20 لاکھ بچے ہیضہ ،خسرہ  اور پیچش جیسی جان لیوا بیماریوں میں مبتلا پائے گئے ہیں ۔

حفاظتی ٹیکوں سے متعلق  اقوام متحدہ کی ایجنسی نے کہا کہ ویکسین سے محروم زیادہ تر بچوں کا تعلق غریب ، پسماندہ اورتنازعات والے ممالک سے ہے  ۔

 اس موقع پر ورلڈ ہیلتھ آرگنائزیشن کے ڈائریکٹر جنرل  ٹیڈروس ایڈمنوم گوبریاس کا کہنا تھا  کہ ویکسین دنیا میں بیماریوں سے حفاظت کے لئیےاہم ذریعہ ہے ۔

ان کا مزید کہنا تھا کہ بہت سے بچے اب بھی ان ویکسین سے مستفید ہو رہے ہیں جبکہ بڑی تعداد آج بھی ان سے محروم ہے۔ ایسے بچوں میں سے زیادہ کا تعلق غریب ، پسماندہ ، مہاجرین، جبری گھروں سے دور اور تناذعات میں گھرے ممالک  سے ہے  ۔  دنیا بھر کے   % 86  بچوں  کو ہیضہ  ، پیچش اورکالی کھانسی سے حفاظتی  ٹیکوں  کے تین خوراک لگائی جا چکی ہیں  ۔ جن کا مقصد  ان  بچوں  کو جان لیوا اور مہلک امراض سے بچانا ہے ۔

یونیسیف کی ایگزیکٹیو ڈائریکٹر  ہینریتا  فور کا  کہنا تھا کہ خسرہ  ایک اہم اور بڑھتی ہوئی بیماری ہے جس پر  قابو پانےکے لئیے ہمیں جلد ازجلد کام کرنا ہوگا   ۔

رپورٹ میں  کہا گیا ہے کہ اگر یہ بچے بیمار ہوگئے تو  اس بات کا خطرہ ہے کہ یہ تمام بچے مہلک امراض میں مبتلا ہوسکتے ہیں اور بروقت علاج کی سہولتیں نہ ملنے پر ان کی اموات واقع ہو سکتی ہیں ۔