واجبات کی عدم ادائیگی: عباسی شہید اسپتال کوگیس کی فراہمی بند
کراچی میں واقع عباسی شہید اسپتال کو گیس کی فراہمی بند کردی گئی ہے۔
تفصیلات کے مطابق کراچی کی شہری حکومت کے زیر انتظام چلنے والے شہر کے چند بڑے اسپتالوں میں سے ایک عباسی شہید اسپتال کو گیس کی فراہمی بند کردی گئی ہے۔
گیس کی فراہمی واجبات کی عدم ادائیگی پر بند کی گئی ہے۔عباسی شہید اسپتال پر گیس کمپنی کےایک کروڑ روپے سے زائد کے واجبات ہیں۔
سینئر ڈاریکٹر محکمہ صحت کے ایم سی ڈاکٹر سلمیٰ کوثر کا کہنا ہے کہ گیس کمپنی نے عباسی شہید اسپتال کو گیس کی فراہمی بند کردی ہے ۔ گیس کی عدم فراہمی پر اسپتال میں آپریشن متاثر ہوں گے۔
ڈاکٹر سلمیٰ کوثر نے گیس کی فراہمی جلد سے جلد بحال کروائے جانے کا مطالبہ کرتے ہوئے کہا کہ میونسپل کمشنر واجبات کے معاملات کو حل کرنے میں مصروف ہیں ۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
کومنٹس کریں
Advertisement
