اقوام متحدہ نےصحت کی عالمی تنظیم ڈبلیوایچ اوکےاشتراک سےخطرناک بیماری ڈینگی اورملیریاکے  خاتمہ کےلئےنئی ٹیکنیک متعارف کرادی ہے۔

 غیرملکی خبررساں ادارےکےمطابق اقوام متحدہ نےمچھروں کےکاٹنےسےپیداہونےوالی خطرناک بیماری ڈینگی اور ملیریا کے خاتمہ کے لئے سٹیرائل انسیکٹ ٹیکنیک (ایس آئی ٹی) متعارف کرائی ہے۔

 اس سلسلہ میں محققین نے 10سال تک تحقیق کےبعدنئی تکنیک جوصحت کی عالمی تنظیم (ڈبلیوایچ او) کےاشتراک سےتیارکی گئی ہے،اس ٹیکینک کےذریعہ ڈینگی پرکنٹرول ممکن ہوجائےگا۔

اس سلسلہ میں دنیا کے ساتوں براعظموں میں تابکاری کے ذریعے تولیدی صلاحیت سے محروم کئے گئے نر مچھروں کا چھڑکائو کرکے اس کے اثرات کا جائزہ لیا گیا۔

 ایٹمی توانائی کے بین الاقوامی ادارہ (آئی اے ای اے ) اور خوراک وزراعت کی تنظیم (ایف اے او) کے نیوکلیئر ٹیکنیک ڈویژن کے ماہر جریمی بوآئیرنےمیڈیا کو بتایا کہ خطرناک مچھروں کی افزائش کی خاتمہ کے لئے یہ تکنیک بڑی کامیاب ثابت ہوئی ہےاوراب ہم اس بیماری کی منتقلی کی روک تھام کے لئے کام کررہے۔

 انہوں نے نس بندی تکنیک کو مچھروں اورحشرات کا برتھ کنٹرول طریقہ کار قرار دیا جس کے تحت تابکاری کے عمل کے حامل ایسے نر حشرات کا فضاء میں ڈرونز سے سپرے کیا جائے گا جو خطرناک نر مچھروں کی تولیدی صلاحیت ختم کردیں گے اور مادہ مچھروں کے انڈوں سے ان کے بچے پیدا نہیں ہوں گے اس طر ح مچھروں کی اگلی نسل پیدا نہیں ہوگی ۔

اقوام متحدہ کی  رپورٹ کے مطا بق  موجودہ سال کے دوران دنیا کے 110ممالک میں ڈینگی کیسز رپورٹ ہوئے ہیں۔ اقوام متحدہ اور صحت کی عالمی تنظیم نے ڈینگی کے خاتمہ کے لئے ہدایات اور رہنما اصول جاری کر دیے ہیں۔