نیوزی لینڈخطرناک وائرس’ایچ آئی وی‘میں مبتلا مریضوں کےاسپرم جمع کرنے والا دنیا کاپہلاملک بن گیا ہے ۔

نیوزی لینڈ میں تین مختلف اداروں نے مشترکہ طور پرمل کر ’ایچ آئی وی پوزیٹیو اسپرم بینک‘ کوقائم کیاہے، جس میں اس مرض میں مبتلا افراد اپنے اسپرم عطیہ کر سکیں گے۔

برطانوی اخبار کےمطابق نیوزی لینڈ میں قائم کیے گئے دنیا کے پہلے منفرد اسپرم بینک کے قائم کیے جانے کے فوری بعد ایچ آئی وی میں مبتلا تین مرد حضرات نے اپنے اسپرم بھی عطیہ کردیئے ہیں  ۔

اسپرم بینک قائم کرنے والے ماہرین کے مطابق اس بینک میں ان ایچ آئی وی مریضوں کے اسپرم رکھے جائیں گے جنہیں یہ مرض لاحق تو ہے، تاہم ان میں اس مرض کی نوعیت اتنی بڑی نہیں ہوگی جو ان کے اسپرم دوسروں میں اس مرض کو منتقل کر سکیں۔

یعنی ’ایچ آئی وی پوزیٹو اسپرم بینک‘ میں ایسے مریضوں کے اسپرم ہوں گے جنہیں یہ مرض تھوڑا ہوگا جو دوسروں میں منتقل نہیں ہوسکے گا۔

ماہرین کے مطابق اگرچہ ’ایچ آئی وی‘ کا وائرس جنسی تعلقات، خون اور اسپرم کے تبادلے سے دوسروں میں منتقل ہوتا ہے، تاہم مذکورہ بینک میں ایسے مریضوں کے اسپرم رکھے جائیں گے جنہیں یہ مرض انتہائی کم نوعیت کا ہوگا یا پھر وہ اس مرض کو علاج کے ذریعے شکست دینے میں کامیاب گئے ہوں گے۔

دنیا کے اس پہلے منفرد اسپرم بینک میں اسپرم عطیہ کرنے والے تینوں نیوزی لینڈ مرد حضرات کو ایچ آئی وی تشخیص ہوا تھا، تاہم ان میں اب اس مرض کی نوعیت انتہائی کم ہوگئی ہے اور ان کے اسپرم کسی اور میں منتقل کیے جانے سے وائرس منتقل نہیں ہوگا۔

تاہم  دوسری جانب اس منفرداسپرم بینک پردیگر ماہرین نے فوری پر کوئی رد عمل نہیں دیاہے۔