وزیر اعظم عمران خان نے کہا ہے کہ اب مائیں خود اپنے بچوں کو پولیو کے قطرے پلوائیں۔

تفصیلات کے مطابق وزیراعظم عمران خان انسداد پولیو مہم کے آغاز پر خطاب کرتے ہوئے کہا ہے کہ میں سب سے درخواست کروں گا بچوں کو پولیو کے قطرےپلوائیں۔

انہوں نے بتایا کہ ہمارے پولیو ورکرز شدت پسندوں کا بھی نشانہ بنے اور اگر ہمارے ملک پر ٹھپہ لگ گیاکہ ہمارے ملک سے پولیو پھیل رہا ہے تو بدنامی پاکستان کی ہوگی اس لئے مائیں اپنے بچوں کو خود پولیو کے قطرے پلوائیں۔

یاد رہے کہ سندھ کے صوبہ بھر کے نجی و سرکاری اسکولوں میں پولیو مہم چلانے کا اعلان کیا گیا ہے۔

ذرائع کا کہنا ہے کہ ڈائیریکٹوریٹ آف اسکولز کی جانب سے 16 دسمبر سے 19 دسمبر تک مہم جاری رہے گی جبکہ جاری کردہ نوٹیفکیشن کے مطابق پانچ سال سے زائد عمر بچوں کو پولیو کے قطرے پلائے جائے گے۔

ڈی جی اسکولز کی جانب سے تمام نجی اسکولوں کو پولیو ٹیم کے ساتھ تعون کرنے کی ہدایت کی ہے جبکہ انہوں نے کہا ہے کہ جن اسکولوں نے تعاون نہیں کیا ان کے خلاف کاروائی کی جا سکتی ہے۔

واضح رہے کہ اس ے قبل کمشنر کراچی کی زیر صدار ت اجلاس میں کراچی میں 7 روزہ پولیو مہم کا آغاز 16 دسمبر سے کئے جانے کا اعلان کیا گیا تھا۔

اجلاس میں کمشنر کراچی نے بتایا گیا کہ 23 لاکھ سے زائد بچوں کو قطرے پلائے جائیں گے جبکہ دس ہزار سے زائد پولیو ٹیمیں فرائض انجام دیں گی۔

معاون خصوصی برائے صحت ڈاکٹر ظفرمرزا نے وزیراعظم کی مشاورت سے پولیو کے خاتمے کے لیے نیشنل اسٹریٹجک ایڈوائزری گروپ تشکیل دیا  ہے۔

نیشنل اسٹریٹجک ایڈوائزری گروپ کے  سربراہ ڈاکٹر ظفر مرزا ہوں گے۔

ڈاکٹر ظفر مرزا کا کہنا ہے کہ پولیو کے کیسز کی بڑھتی تعداد کے پیش نظر وائرس کی روک تھام کے لیےنیشنل اسٹرٹیجک ایڈوائزری گروپ تشکیل دیا  گیا ہے۔