کانٹیکٹ لینس کا استعمال خشک آنکھوں والے افراد کیلئے خاصہ تکلیف دہ ہوتا ہے۔ عام طورپر ایسے افراد کانٹیکٹ لینس کے استعمال سے پرہیزکرتے ہیں۔ کیونکہ اس سےآنکھوں میں خارش ہونےکا خدشہ ہوتاہے۔
خشک آنکھوں میں کانٹیکٹ لینس سے لالی بھی ہوسکتی ہے۔ ایسے مسائل کا شکار افراد کیلئے چند احتیاطی تدابیر اختیار کرنا انتہائی موزوں ثابت ہوگا۔

کانٹیکٹ لینس کےاستعمال سے پہلےہاتھوں کاصاف ہونا

ہاتھوں کو دھوئے بغیر کانٹیکٹ لینس پکڑنے اور پہننے سے پیتھوجینز آنکھوں میں داخل ہوجانے کاخطرہ لاحق ہوجاتا ہے جوانفیکشن کا باعث بنتے ہیں اورپھرآنکھوں میں رہ جاتے ہیں۔
ہمیشہ اپنے ہاتھوں کو صابن سے دھونے کی عادت بنائیں اورکانٹیکٹ لینس ہاتھ کو خشک کرکےاستعمال کریں۔

سونے سے پہلےکانٹیکٹ لینس نہ پہنیں

سونے سے پہلےلینس کواتار کر رکھ دینا ایک ضروری عمل ہے، سوتےہوئے لینس آنکھوں سے نہ ہٹایاجائے توقدرتی آنسو کی پیداوار شدید متاثر ہوگی۔
اوہائیو اسٹیٹ یونیورسٹی نےکانٹیکٹ لینسوں کے استعمال سے متعلق بتایاہےکہ نیند میں جاتے وقت اکثر لینسوں کو ہٹانا بھول جانا بیرونی حفاظتی تہہ کو نقصان پہنچا سکتا ہے۔ اس کی وجہ یہ ہے کہ نیند کے وقت آنکھوں میں کم آکسیجن داخل ہوتی ہے۔

ڈسپوزایبل کانٹیکٹ لینس استعمال کریں

مارکیٹوں میں ڈسپوزایبل کانٹیکٹ لینسزبھی دستیاب ہیں جو کئی مہینوں کے لئے استعمال ہوسکتے ہیں۔ ۔
طویل عرصے کے استعمال سے بھی اس میں بہت سی گندگی جمع ہوجاتی ہے جو آنکھوں کیلئے نقصان دہ ہے۔

کانٹیکٹ لینس کنٹینرکاصاف ہونا ضروری ہے

کانٹیکٹ لینس اسٹوریج کنٹینر کاصاف ہونا بھی انتہائی ضروری ہے۔ استعمال سے پہلے اگر کنٹینر کودھو کر خشک کردیا جائے اور پھر اس میں کانٹیکٹ لینسوں کاپانی رکھنا چاہیئے۔ ایسا کرنے سےآنکھوں میں سوزش اور انفیکشن کے امکانات کم ہوجائیں گے۔

آنکھوں کےقطرے کااستعمال

آنکھوں کےقطروں کا باقائدگی سےاستعمال انہیں خشک ہونے سے محفوظ رکھتاہے اور مصنوعی آنسووں کاکردارادا کرتا ہے۔
خشک آنکھوں والے مریضوں میں آنسوؤں کی ناکافی مقدار نہ صرف تکلیف پیدا کرتی ہے، بلکہ انفیکشن کا خطرہ بھی بڑھاتی ہے۔