معاون خصوصی برائے صحت ڈاکٹر ظفر مرزا نے کہا ہے کہ کورونا کوروکنےکیلئے ہمیں ٹیسٹنگ پر توجہ دینی ہوگی۔

معاون خصوصی برائے صحت ڈاکٹڑ ظفر مرزا نے اپنی پریس کانفرنس میں کہا ہے کہ کورونا کو روکنے کے لئے ہمیں ٹیسٹنگ پر توجہ دینی ہوگی۔

انہوں نے بتایا کہ روزانہ 3ہزار ٹیسٹ27 مختلف لیبارٹریز میں ٹیسٹ ہورہے ہیں اور آئندہ چند دنوں میں 7 مختلف لیبارٹریز  کا اضافہ  کیا جائے گا ۔

ڈاکٹر ظفر مرزا کا کہنا تھا کہ کورونا ٹیسٹنگ کی لیبارٹریز کی تعداد 34 ہو جائیں گی جبکہ اس ماہ کے آخری تک روزانہ کی بنیاد 20 سے 25 ہزار ٹیسٹ  کئے جائیں  گے۔

یاد رہے کہ اس سے قبل سلام آباد میں وزیراعظم کی زیر صدارت نیشنل کوارڈینیشن کمیٹی کے اجلاس منعقد کیا گیا جس میں ملک میں موجود موجودہ صورتحال پر چند اہم فیصلے کئے گئے ہیں۔

ذرائع کے مطابق اجلاس میں وزیراعظم نے وزیراعلی سندھ مراد علی شاہ کی درخواست کو منظور کرلیا ہے جبکہ یاد رہے کہ  وزیراعلی سندھ نے درخواست کی تھی کوئی بھی فیصلہ کرنے سے قبل سندھ حکومت سے مشاورت کی جائے۔

عبدالعلیم خان نے صوبائی وزیر کی حیثیت سے حلف اٹھالیا

ذرائع نے یہ بھی بتایا کہ وزیراعلی سندھ نے درخواست کی تھی وزیراعظم جو بھی فیصلہ کریں اس میں سندھ کی ان پٹ شامل کی جائے۔

وزیراعظم نے اجلاس میں کہا ہے کہ وزیر اعلیٰ سند کی جانب سفارشات کے مطابق  تعمیراتی سیکٹر کا پہلا فیز کل سے کھول دیا جائے گا۔

ذرائع کا کہنا ہے کہ اجلاس میں ملک بھر میں لاک ڈاؤن کو مزید توسیع دینے کا فیصلہ کرلیا گیا ہے جس کا باقاعدہ اعلان کل کیا جائے گا۔

ذرائع کا کہنا ہے کہ اجلاس میں کورونا کی صورتحال سے نمٹنے کیلیے اقدامات کا جائزہ لیا گیا اور بتایا گیا کہ وزیراعظم چاہتے ہیں کہ ملک بھر میں لاک ڈاؤن سے متعلق ایک جیسی پالیسی ہو۔