پاکستان کورونا کو شکست دینے کے قریب آگیا ہے جس کے بعد ملک میں  صحتیابی کی شرح 91 فیصد تک پہنچ گئی ہے، فعال کیسز     صرف 17 ہزار رہ گئے اور مزید 21 سو اٹھاون مریضوں نے کورونا کو شکست دیدی ہے۔

پاکستان میں کورونا وائرس کے مزید 862 افراد میں مہلک وائرس کی تشخیص ہوئی جس کے بعد ملک بھر میں متاثرہ افراد کی تعداد 283228 تک پہنچ گئی ہے۔

ملک میں کورونا وائرس کے آج مزید 862 افراد میں مہلک وائرس کی تشخیص ہوئی جن میں سندھ سے 487، اسلام آباد میں 41 ، خیبرپختونخوا میں 107 ، پنجاب میں 193 ، بلوچستان میں 14 ،گلگت بلتستان میں 15 اور  آزاد کشمیر 5 کورونا وائرس کے کیسز کی تصدیق ہوئی ہے۔

پاکستان میں کوروناوائرس سے متاثرہ مریضوں کی اعداد و شمار کے مطابق اس وقت سندھ میں 123243 ، بلوچستان میں 11835 ، خیبرپختونخوا میں 34539 ،اسلام آباد میں 15141 ، گلگت بلتستان میں 2301 ، پنجاب میں 94040 اور آزاد کشمیر میں 2129 مریض موجود ہے۔

پاکستان میں آج مزید 695 افراد میں وائرس کی تشخیص

یاد رہے اس سے قبل ترجمان محکمہ صحت سندھ کے جاری اعداد و شمار کے مطابق سندھ بھر میں 487 افراد میں کورونا وائرس کی تصدیق ہوئی جس کے بعد سندھ بھر میں کورونا متاثرین کی تعداد 123243 ہوگئی ہے۔

دوسری جانب آزاد کشمیر میں 5 افراد میں کوروناوائرس کی تصدیق ہو ئی جس کے بعد صوبے بھر میں کوروناوائرس کے کل کیسز کی تعداد 2129 ہوگئی ہے۔

اسی عرصے میں ترجمان پرائمری اینڈ سیکنڈری ہیلتھ کئیر نے بھی اپنے بیان میں کہا کہ پنجاب میں کورونا وائرس کے مزید 193 کیسز کی تصدیق ہوئی ہے جس کے بعد صوبے بھر میں مجموعی تعداد 94040 ہو گئی جبکہ محکمہ اطلاعات خیبرپختونخوا نے اپنے ایک بیان میں کہا کہ خیبرپختونخوا میں 107 افراد میں کوروناوائرس کی تصدیق ہو ئی جس کے بعد صوبے بھر میں میں کوروناوائرس کے کل کیسز کی تعداد 34539 ہوگئی ہے۔