برطانیہ میں اومی کرون کے پھیلاؤ کو روکنے کے لیے پابندیاں سخت

ویب ڈیسک

09th Dec, 2021. 11:17 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

برطانیہ میں اومی کرون کے پھیلاؤ کو روکنے کے لیے پابندیاں سخت

برطامیہ میں اومی کرون کے پھیلاؤ کو روکنے کے لیے پابندیوں کو سخت کردیا گیا ہے۔

لندن میں نیوز کانفرنس کے دوران برطانوی وزیر اعظم بورس جانسن نے کہا کہ ملک میں اومی کرون کے 568 کیسز سامنے آنے کے بعد ہمیں کچھ پابندیاں لگانی پڑیں گی۔

بورس جانسن نے کہا کورونا کیسز میں اضافہ اسپتالوں پر بوجھ کا باعث بن سکتا ہے، اس صورت حال میں سب سے افسوسناک پہلو اموات کا ہے، ہمیں امید ہے کہ صورت حال بہتر ہوجائے گی۔

برطانوی وزیر اعظم نے کہا کہ کورونا سے بچاؤ کے لیے لوگ گھر میں رہ کر کام کریں، پبلک ٹرانسپورٹ اور عوامی مقامات پر ماسک کا استعمال لازمی ہوگیا ہے۔ اس کے علاوہ نائٹ کلبس اور بھیڑ بھاڑ کی دیگر جگہوں میں جانے کے لیے بھی کوویڈ پاس دکھانا ضروری ہوگا۔

برطانوی وزیر صحت ساجد جاوید نے خدشہ ظاہر کیا ہے کہ ملک میں کورونا کیسز کی تعداد رپورٹ ہوئے کیسز سے 20 گنا زیادہ ہوسکتی ہے۔

واضح رہے کہ برطانیہ نے رواں برس جولائی میں ہی کوویڈ پابندیوں کو ختم کردیا تھا۔ چند روز قبل بورس جانسن نے اعلان کیا تھا کہ کورونا کی ممکنہ چوتھی لہر کے باوجود پابندیاں نہیں لگائی جائیں گی۔