چین کے دارالحکومت بیجنگ کے شمال میں واقع ضلع میں متعدد علاقوں کو بند کر دیا گیا۔

بیجنگ کے حکام نے اتوار کو بتایا کہ انہوں نے دارالحکومت کے شمالی ضلع میں دو کووڈ کیسز کی شناخت پر متعدد رہائشی علاقوں کو بند کر دیا۔

انژیلی اور اس کا پڑوسی ضلع چاؤیینگ کے رہائیشیوں کو ہفتے کے روز پابند کیا گیا جس کے بعد انہیں گھر سے نکلنے کی اجازت نہیں ہوگی۔

آئندہ جمعے کو شروع ہونے والے ونٹر اولمپکس سے قبل بیجنگ کورونا کیسز کے حوالے سے انہتائی سخت اقدامات کر رہا ہے۔

خطے کے دیگر مملک کی نسبت چین میں کیسز کی تعداد بہت کم ہے اس کے باوجود چین نے کورونا کے حوالے سے اپنی ’عدم-برداشت‘ کی پالیسی کو دُگنا کر رکھا ہے، جس میں کیس کی تشخیص کے بعد اس کی منتقلی کی چین کو توڑنا بھی شامل ہے۔

چین کے ریاستی خبر رساں ادارے کے مطابق حکام کا بریفنگ میں کہنا تھا کہ شہر بھر میں جمعے تک کے لیے 19 مقامات قائم کیے جائیں گے جہاں رہائیشیوں کے ٹیسٹ کیے جائیں گے۔

بیجنگ سینٹر فار ڈِیزیز پریونشن اینڈ کنٹرول کے وائس ہیڈ پینگ ژِنگ ہو کا کہنا تھا کہ دارالحکومت بیجنگ میں ہفتے شام 4 بجے سے اتوار شام 4بجے تک کووڈ-12 کیسز رپورٹ ہوئے۔

یہ تمام کیسز ان لوگوں میں سامنے آئے ہیں جو پہلے ہی وباء کو قابو کرنے کے لیے نافذ کیے گئے اقدام کے تحت تھے۔