برطانیہ میں بچوں میں ہیپاٹائٹس کے مزید کیسز رپورٹ ہونے کے امکاناتبول نیوز

برطانیہ میں بچوں میں ہیپاٹائٹس کے مزید کیسز رپورٹ ہونے کے امکانات

ویب ڈیسک

17th Apr, 2022. 09:57 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

برطانیہ میں بچوں میں ہیپاٹائٹس کے مزید کیسز رپورٹ ہونے کے امکانات

عالمی ادارے صحت نے کہا ہے کہ آئندہ دنوں میں برطانیہ میں چھوٹے پچوں میں ہیپاٹائٹس کے مزید کیسز رپورٹ ہونے کے امکانات ہیں۔

ڈاکٹر اور سائنس دان جگر میں سوزش کے 74 کیسز کی تحقیقات کر رہی ہیں، جن میں سے کئی کی تشخیص گزشتہ ہفتوں میں ہوئی۔

برطانیہ کی ہیلتھ سیکیورٹی ایجنسی کا کہنا تھا کہ انگلینڈ میں 49، اسکاٹ لینڈ میں 13 اور باقی کیسز ویلز اور شمالی آئرلینڈ میں ہیں۔

بچوں کا معائنہ اس عمومی وائرس کی تشخیص کے لیے ہوا جو ہیپاٹائٹس کا سبب بنتے ہیں لیکن وہ وائرس نہ ملے۔

آفیشلز دیگر بیماریوں اور وائرسز سے ممکنہ تعلقات کی تحقیقات کر رہے ہیں۔

جمعے کے روز ایک اپ ڈیٹ میں عالمی ادارہ صحت نے کہا کہ 5 اپریل کو 10 سال سے کم عمر بچوں میں 10 شدید نوعیت کے کیسز سامنے آئے۔ 8 اپریل تک برطانیہ میں 74 کیسز کی تشخیص کی گئی۔

عالمی ادارہ صحت کے مطابق 5 اپریل کو رپورٹ ہونےو الے 10 کیسز میں سے 9 میں علامات مارچ میں سامنے آئیں اور یہ جنوری میں بیمار پڑے تھے۔ ان علامات میں یرقان، پیچش اور پیٹ کا درد شامل ہیں۔ تمام 10 کیسز کی تشخیص اسپتال میں داخلے کے بعد ہوئی۔

74 میں سے کچھ بچوں کو جگر کے خصوصی یونِٹس میں منتقل کر دیا گیا ہے، جبکہ چھ بچوں میں جگر ٹرانسپلانٹ کر دیا گیا ہے۔