ماہرین کا کہنا ہے کہ صرف ایک کپ چائے کا پینے سے ڈیمینشیا اور کینسر لاحق ہونے کے خطرات کم ہو سکتے ہیں۔

ہمارے یہاں چائے زندگی کی ایک انتہائی اہم جزو بن گئی ہے اور ہم میں سے کئی افراد صبح کو جاگنے کے بعد اور سونے سے پہلے بھھی چائے کی ایک پیالی پیتے ہیں۔

لیکن اب چائے بنانے کی ایک طبی توجیہ بھی سامنے آگئی ہے کہ ماہرین کا ماننا ہے کہ چائے سنجیدہ بیماریوں سے لڑنے میں مدد دے سکتی ہے۔

صحت کے متعلق چائے کے فوائد ایک پیالی سے شروع ہوتے ہیں اور ان پیالیوں کی بڑھتی تعداد کے ساتھ ان فوائد میں بھی اضافہ ہوتا جاتا ہے۔

چوں کہ روزانہ دنیا بھر میں تقریباً چار ارب پیالیاں پی جاتی ہیں اس لیے یہ چائے کے شوقین افراد کے لیے ایک خوشخبری ہونی چاہیئے۔

تحقیق کے مطابق 40 سے 50 فی صد ڈیمینشیا کے کیسز کو طرزِ زندگی میں تبدیلی سے روکا جاسکتا ہے اور زیادہ چائے پینا اس تبدیلی کا سب سے آسان پہلا قدم ہو سکتا ہے۔

آسٹریلیا کی ایڈتھ یونیورسٹی کے نیوٹریشن سائنٹسٹ پروفیسر جونیتھن ہوجسن کا کہنا تھا کہ اس بات کے شواہد بڑھتے جارہے ہیں کہ روزانہ ایک سے دو چائے کے کپ ویسکیولر ڈیمینشیا اور ممکنہ الزائمر کی بیماری لاحق ہونے کے خطرات کو بڑی حد تک کم سکتے ہیں۔

متعدد مطالعوں میں پہلے ہی یہ بتا چکا ہے کہ چائے کا استعمال کچھ اقسام کے کینسر کے لاحق ہونے کے خطرات کم ہونے سے مثبت انداز میں تعلق رکھتا ہے۔