اس خبر میں آج ہم آپکو بتائیں گے کہ کھانے کا وقت ذہنی صحت کے لیے کس حد تک اہم ہے۔
ایک تحقیق کے مطابق رات کو دیر تک جاگنے سے جسم کی اندرونی گھڑی متاثر ہوتی ہے اور اس سے مزاج اور جذباتی صحت پر بھی منفی اثرات مرتب ہوتے ہیں۔
اس تحقیق میں بتایا گیا کہ کھانے کے اوقات بھی ذہنی صحت پر اثر انداز ہوتے ہیں۔
تحقیق میں نائٹ شفٹ کرنے والے افراد میں دن اور رات کے وقت کھانے کی عادت کے اثرات کا موازنہ صرف دن کے وقت کھانے والے افراد سے کیا گیا۔
محققین کا کہنا ہے کہ دن اور رات دونوں اوقات غذا تناول کرنے والے افراد میں ڈپریشن کا خطرہ 26 فیصد جبکہ انزائٹی کا خطرہ 16 فیصد زیادہ ہوتا ہے۔
اس کے مقابلے میں صرف دن میں کھانا کھانے والے افراد کی ذہنی صحت پر منفی اثرات دریافت نہیں ہوئے جس سے عندیہ ملتا ہے کہ کھانے کا وقت بھی مزاج پر اثر انداز ہوتا ہے۔
محققین کے مطابق نتائج میں ایسے شواہد فراہم کیے گئے ہیں جن سے ثابت ہوتا ہے کہ کھانے کا وقت ذہنی صحت کے لیے اہمیت رکھتا ہے۔
ان کا کہنا ہے کہ اب اس حوالے سے مزید تحقیق کر کے یہ جاننے کی کوشش کی جائے گی کہ کھانے کے اوقات میں تبدیلی سے ڈپریشن یا انزائٹی کی روک تھام میں کس حد تک مدد ملتی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News