مشی گن یونیورسٹی کی حالیہ تحقیق کے مطابق پٹھوں کی کمزور گرفت حیاتیاتی عمر کو تیزی سے بڑھاتی ہے جو بڑھاپے کے ایک بنیادی محرک ہے۔

واضح رہے کہ محققین کے مطابق یہ پہلی تحقیق ہے جو یہ پٹھوں کی کمزوری اور حیاتیاتی عمر میں تیزی کے درمیان تعلق کے ابتدائی ثبوت فراہم کرتی ہے۔ جبکہ پٹھوں کی طاقت کو برقرار رکھ جہاں آپ کئی امراض سے محفوظ رہ سکتے ہیں وہی امراض سے بچاؤ عمر کو بڑھانے میں معاون ثابت ہوسکتا ہے۔

یہ بات سب ہی جانتے ہیں کہ مختلف اندرونی اور بیرونی عوامل لوگوں کی عمر کا تعین کرنے میں کلیدی کردارادا کرتے ہیں اس طرح یہ ان کی حیاتیاتی عمر اور ان میں بیماریوں کے خطرے کم کرنے یا بڑھانے کے عمل کو متاثر کر سکتے ہیں۔ یہی وجہ ہے کہ دو افراد جن کی عمریں 50 برس ہیں ان کی عمر ایک جیسی ہونے کے باوجود حیاتیاتی بڑھاپے کی سطح ایک جیسی نہیں ہوسکتی ہے۔

آپ جس طرح کا طرز زندگی اپناتے ہیں جیسے خوراک، تمباکو نوشی اور بیماری یہ سب حیاتیاتی عمر کو تاریخی عمر سے زیادہ تیز کرنے میں معاون ثابت ہوتے ہیں۔

محققین نے دریافت کیا کہ گرفت کی طاقت، پٹھوں کی مجموعی طاقت کا ایک پیمانہ، اوراس طرح سے یہ حیاتیاتی عمر سے منسلک ہے۔

ماضی میں کی جانے والی تحقیق کے مطابق ایسے افراد جن میں گرفت کی طاقت کمزور ہوتی ہے ان کی حیاتیاتی عمر زیادہ ہوتی ہے۔

مشی گن میڈیسن کے محققین نے ڈی این اے میتھیلیشن کو اپناتے ہوئے 1274 ادھیڑ عمر اور بوڑھے بالغوں کی حیاتیاتی عمر اور گرفت کی طاقت کے درمیان تعلق کو ماڈل بنایا، یہ ایک ایسا عمل ہے جو سالماتی بائیو مارکر اور عمر بڑھنے کی رفتار کا تخمینہ فراہم کرتا ہے۔

نتائج کے مطابق بوڑھے مرد اورخواتین دونوں نے ڈی این اے میتھیلیشن گھڑیوں میں کم گرفت کی طاقت اور حیاتیاتی عمر میں تیزی کے درمیان تعلق کو ظاہر کیا۔

اس تحقیق کے اہم مصنف مارک پیٹرسن، پی ایچ ڈی، ایم ایس جو کہ مشی گن یونیورسٹی میں فزیکل میڈیسن اور بحالی کے ایسوسی ایٹ پروفیسرہیں کا کہنا ہے کہ ہم جانتے ہیں کہ پٹھوں کی طاقت لمبی عمر اور کمزوری بیماریوں کا پش خیمہ ہے لیکن، پہلی بار، ہمیں پٹھوں کی کمزوری اور حیاتیاتی عمر میں تیزی کے درمیان تعلق کے مضبوط ثبوت ملے ہیں۔

اس سے پتہ چلتا ہے کہ اگر آپ عمر بھر اپنے پٹھوں کی طاقت کو برقرار رکھتے ہیں، تو آپ بڑھتی عمر سے متعلق بہت سی عام بیماریوں سے محفوظ رہ سکتے ہیں کیونکہ  پٹھوں کی کمزوری نئی سگریٹ نوشی کے مترادف ہے جو بڑھاپے کے عمل کو تیز کر دیتی ہے۔

یہ تحقیق 10 برس کے مشاہدے پر مشتمل تھی جس میں گرفت کی کم طاقت نے ایک دہائی کے بعد تیز تر حیاتیاتی عمر بڑھنے کی پیش گوئی کی تھی۔

محققین کا مزید یہ کہنا ہے کہ پٹھوں کو مضبوط بنانے کے لیے صحت مند غذائی عادات اپنانا اورباقاعدگی سے ورزش کرنا نہایت ضروری ہے جو مضبوط گرفت کے ساتھ مجموعی صحت کو بہتر بنانے میں مدد فراہم کرے گی۔