لیموں کا کھٹا اورترش ذائقہ ہرکھانے اور مشروب کی شان کو بڑھا دیتا ہے اس میں ایسے صحت بخش اجزاء پائے جاتے ہیں جو آپ کی مجموعی صحت کو بہتربنانے میں معاون ثابت ہوتے ہیں۔

سپر فوڈ میں شامل لیموں نہ صرف کھانے کے ذائقہ کو بڑھاتا ہے بلکہ یہ آپ کی جلد اور بالوں کے کئی مسائل کا بہترین حل بھی پیش کرتا ہے یہاں لیموں سے بنی چائے کی افادیت پیش کی جارہی ہے جسے جان کر آپ بھی اسے استعمال کرنے پر مجبور ہوجائیں گے۔

لیموں وٹامنز، معدنیات اور اینٹی آکسیڈنٹس سے بھرپورہونے کے ساتھ قوت مدافعت کو بہتر بنانے، دل اور دماغ کی صحت بڑھانے، خون کی کمی کودور کرنےاور کینسر کے خطرے کو کم کرنے کے لیے مفید تصور کیاجاتا ہے ساتھ ہی یہ  فاسفورس، پوٹاشیم، وٹامن سی، فولیٹ، لیوٹین اور آئرن کے حصول کا بھی بہترین ذریعہ ہے ہیں۔ اس میں سائٹرک ایسڈ، فلیوونائڈز، میگنیشیم، ٹیننز اور کاپر بھی موجود ہوتاہے۔ اس لیے اس سے تیار کیا جانے والی چائے بھی بہت زیادہ افادیت رکھتی ہے۔

جلد

لیموں وٹامن سی سے بھرپور ہوتا ہے جسے جلد دوست وٹامن کہاجاتا ہے۔ یہ جلد کی چمک بڑھانے اور عمر رسیدگی کے اثرات کو روکنے والے ایجنٹ کے طور پر کام کرتا ہے – اور کہا جاتا ہے کہ یہ کولیجن کی پیداوار کو متحرک کرتا ہے، اور جھریوں کی تشکیل کو کم کرتا ہے۔ یہ چائے سوزش مخالف خصوصیات سے بھی بھری ہوئی ہے جو مہاسوں، پمپلز اور ایکزیما جیسے مسائل کے دور کر کے جلد کو سکون میں رکھتی ہے۔ یہ چہرے سے مردہ خلیوں کو دور کرتی ہیں اورجلد کو جوان بناتی ہے۔

بال

اس چائے کو مستقل بنیادوں پر پینے سے آپ کی سر کی جلد میں ضروری وٹامنز اور منرلز کی فراہمی یقینی بنتی ہے اور یہ آپ کے بالوں کو چمکدار بنانے کے ساتھ مضبوط بناتی ہیں۔ لیموں کی چائے سر میں خشکی اور خارش کو دور کرتی ہے۔ اس سے بالوں کا گرنا کم ہوتا ہے۔

جسم

جلد اور بالوں کے فوائد کے علاوہ، لیموں کی چائے آپ کی قوت مدافعت کو بڑھانے میں مددفراہم کرتی ہے۔ وٹامن سی سے بھری ہوئی یہ چائے جس میں اینٹی آکسیڈنٹس کے ساتھ ساتھ قوت مدافعت بڑھانے والی خصوصیات بھی ہوتی ہیں۔

یہ مشروب انفیکشن سے فوری طور پرتحفظ فراہم کرکے آپ کو مختلف امراض سے بچاتا ہے۔ لیموں میں موجود میں فلیوونائڈز جو کہ ایک اینٹی آکسیڈنٹس کو طور پر کام کرتے ہیں فری ریڈیکلز کو دور کرتے ہیں اور دماغی امراض خطرے کو کم کرتے ہیں۔

یہ آپ کے دل کی صحت کو بھی بہتر بناتی ہے- اس کی وجہ یہ ہے کہ وٹامن سی شریانوں اور رگوں کے ذریعے خون کے بہاؤ کوبہتر بناتا ہے اور جمنے سے بچاتا ہے اس طرح یہ فالج یا دل کا دورہ پڑنے کے امکانات کو کم کر دیتا ہے۔

 لیموں آپ کے بلڈ پریشر کو بھی کنٹرول کر سکتا ہے۔ اس کے نتیجے میں، مستقبل میں آپ کے ذیابیطس ہونے کا خطرہ کم ہوجاتا ہے۔  اگرچہ لیموں میں تیزابیت ہوتی ہے تاہم  ایک بار جب وہ کے جسم میں داخل ہوجاتا ہے تو جسم اسے الکلائز کرنا شروع کر دیتا ہے۔

یہ چائے صحت مند دانتوں اور مسوڑھوں کو بھی یقینی بناتی ہے، چربی اور خراب کولیسٹرول کی سطح کو کم کرتی ہے۔ ان میں موجود اینٹی آکسیڈنٹس خلیوں کو پہنچنے والے نقصان سے لڑتے ہیں جو کینسر جیسی بیماریوں کا باعث بنتے ہیں۔ چونکہ وہ زہریلے مادوں کو باہر نکالتے ہیں، اور میٹابولزم کو بڑھاتے ہیں، اس لیے یہ وزن کم کرنے میں بھی مدد کر سکتے ہیں۔

لیموں کے ساتھ کون سی چائے تیار کی جاسکتی ہے؟

لیموں کے ان گنت فوائد جان کر آپ اپنی من پسند چائے میں شامل کر کے اس کی افادیت کو مزید بڑھا سکتے ہیں۔ جیسے پودینے کی چائے میں شامل کر سکتے ہیں۔

  کیمومائل چائے میں لیموں شامل کر سکتے ہیں، اس طرح یہ چائے گلے کی سوزش کو دور کرنے میں مددفراہم کرے گی۔

تاہم اسے سب سے زیادہ سبز چائے میں شامل کیا جاتا ہے اس طرح یہ چائے کی افادیت کو کئی گنا بڑھا دیتاہے۔ لیموں کی تیزابیت چائے کی پتیوں کو زیادہ اینٹی آکسیڈنٹ خارج کرنے کے لیے تحریک دیتی ہے جو دل سے متعلق بیماریوں کے خطرے کو کم کرتا ہے۔ اس کے علاوہ ہبسکس چائے کو بھی لیموں کے ساتھ استعمال کیا جاسکتا ہے۔

لیموں کی سادہ چائے بنانے کا طریقہ

ایک پین میں ایک کپ پانی ڈال کر اسے ابالیں پھر اس میں ایک چوتھائی چائے کا چمچ چائے کی پتی شامل کریں اسے تین منٹ تک پکنے دیں پھر اسے ایک کپ میں چھان لیں۔  اب ایک دوسرے کپ میں ایک چائے کا چمچ لیموں کا رس اور دو چائے کے چمچ شہد ڈال کر اچھی طرح مکس کریں اب اس میں چھنی ہوئی چائے شامل کریں لیجیئے صحت بخش لیموں کی چائے تیار ہے۔

لیموں کی چائے کے نقصانات

اس چائے کا زائد مقدار میں استعمال آپ کو نقصان پہنچاسکتا ہے، یہ دانتوں کے بیرونی تہہ کو ہٹاسکتی ہے، معدے میں تیزابیت کا باعث بن سکتی ہے، منہ کے زخم دیر سے مندمل ہوسکتے ہیں، لیموں کا استعمال پیٹ میں درد، اسہال، السر اور آنتوں کے سنڈروم کا باعث بن سکتا ہے، کھٹے پھلوں کا استعمال سردرد کا باعث بن سکتا ہے، حاملہ خواتین اور دودھ پلانے والی ماؤں کے لیے یہ چائے غیر محفوظ ہے، یہ دماغٰی امراض جیسے الزائمر کو بڑھانے کا سبب بن سکتا ہے۔