منہ کی صحت سے جڑی ہے آپ کی مجموعی صحت، اسی لیے اس کی صحت اور صفائی کا خاص خیال رکھنا بے حد ضروری ہے۔ دانت اور مسوڑھے اگر صحت مند ہوں گے تو آپ کی مسکراہٹ بھی دلفریب ہوگی۔

مسوڑھوں کی صحت کا خیال رکھنا اس لیے بھی ضروری ہے کیونکہ یہ دانتوں کو ترتیب اور مضبوطی کے ضامن ہیں یہاں پر ان ہی کو صحت مند رکھنے کے چند طریقے پیش کئے جارہے ہیں۔

 دانتوں کو برش کریں

منہ کی صفائی کے لیے جو پہلا کام کیاجاتا ہے وہ دانتوں کو برش کرنا ہے اس کے لیے ہمیشہ نرم یا درمیانے برسٹل ٹوتھ برش اور فلورائیڈ ٹوتھ پیسٹ کا استعمال کریں، ہر روز صبح و شام برش کرنے کو اپنی عادت بنالیں اور تقریباً دومنٹ تک برش کریں۔

برش کو ہلکے ہاتھ سے دائروں اور عمودی اسٹروک میں رکھیں اس طرح مسوڑھیں محفوظ رہے گے۔ برش کو 45 ڈگری کے زاویے پر تھامیں کر برش کریں ساتھ زبان پر بھی برش کرنا نہ بھولیں۔ کوشش کریں کہ برش کو ہر دو سے تین ماہ بعد تبدیل کریں۔

 دن میں ایک بار فلاس کریں

فلاسنگ آپ کے دانتوں کے درمیان سے کھانے اوردیگر ذرات کو مؤثر طریقے سے صاف کرتی ہے اگر یہ غذائیں صاف نہ کی جائیں تو مسوڑھوں میں جلن کا باعث بن سکتی ہے اس لیے دن میں کم از کم ایک بار فلاس ضرور کریں۔

مسوڑوں کے لیے موزوں غذا کا استعمال

میٹھی غذائیں اورسافٹ ڈرنکس سبھی منہ میں نقصان دہ بیکٹیریا کی نشوونما کو بڑھاتی ہیں جو مسوڑھوں کی بیماری کا سبب بن سکتے ہیں، اس کے برعکس ڈیری مصنوعات اور دیگر کیلشیم سے بھرپور غذائیں آپ کے دانتوں کے لیے بہترین ہیں۔ تازہ پھل اور سبزیاں ان کی صحت کو مزید بڑھاتی ہیں۔ اگر آپ کوئی میٹھی چیز کھاتے ہیں تو اس کے بعد پانی سے کلی ضرورکریں۔

ہائیڈریٹ رہیں

لعاب کی پیداوار منہ کو صحت مند رکھنے کے ساتھ بیکٹیریا کی نشوونما کو روکتی ہے۔ کھانے کے ذرات منہ میں لعاب کے ذریعے منتقل ہوتے ہیں اس طرح یہ ذرات کو دانتوں کے درمیان جمع ہونے سے روکتا ہے۔ منہ میں تھوک کی مناسب مقدار کو برقرار رکھنے کے لیے روزانہ 7 سے 8 گلاس پانی پئیں، خاص طور پر جب آپ کو پیاس لگی ہو یا آپ کا منہ خشک ہورہا ہو۔

مسوڑھوں کی بیماری

مسوڑھوں کی بیماری کے کئی عوامل ہییں جیسے ذیابیطس، مسوڑھوں کی موروثی بیماری، خواتین اور لڑکیوں میں ہارمونل تبدیلیاں، دوائیں جو منہ کو خشک کرتی ہیں، زبانی حفظان صحت کی خراب عادات، ان بیماریوں سے بچنے کے لیے معالج سے رابطہ کریں۔

 تمباکو نوشی سے پرہیز کریں

سگریٹ نوشی مسوڑھوں اور دانتوں کی صحت کو متاثر کرتی ہے سگریٹ نوشی مبینہ طور پر آپ کے مدافعتی نظام کو کمزور کر کے مسوڑھوں کے انفیکشن کے خطرے کو بڑھا دیتی ہے۔