سرکہ کی افادیت سے کون واقف نہیں یہ صدیوں سے کھانے میں ذائقہ اور صحت کے مسائل کے حل کے لئے استعمال کیا جاتا رہا ہے۔ سرکہ کئی پھلوں سے تیار کیا جاتا ہے ان میں انگور ،ناشپاتی ،کھجور، کشمش اور سیب وغیرہ شامل ہے۔

یوں تو سب ہی سرکے میں صحت کے فوائد چھپے ہوتے ہیں تاہم ان سب میں سیب کا سرکہ افادیت میں سب سے آگے ہے۔ جس طرح سیب کے سرکے کوصحت کے کئی مسائل کے حل کے لیے بہترین تصور کیاجاتا ہے، اسی طرح یہ اس میں کچھ مضر صحت اثرات بھی پائے جاتے ہیں یہاں پر سیب سے سرکے کچھ ایسے ہی اثرات کا ذکر کیا جارہا ہے جنہیں یقیناً آپ نہیں جانتے۔

ہاضمہ کے مسائل

سیب کے سرکے کو وزن کم کرنے کے لیے مفید تصور کیا جاتا ہے تاہم یہی خوبی کچھ افراد میں ہاضمہ کے مسائل کا سبب بنتی ہے۔ سیب کا سرکہ بھوک یعنی کھانے کی خواہش میں کمی لاتا ہے جس سے متلی کی کیفیت کے ساتھ معدے کے مسائل جنم لینے لگتے ہیں۔

 قبض

سیب کا سرکہ کھانے کی خواہش میں کمی لاتاہے اس طرح جسم ضروری غذائیت سے محروم ہوجاتا ہے، آنتوں میں صحت مند غذا کی کمی قبض کا سبب بنتی ہے۔

کمزور ہڈیاں

تحقیق کے مطابق سیب سے سرکے کا استعمال ہڈیوں میں کمزری کا سبب بنتا ہے جس سے روزمرہ کے معمول کی انجام دہی متاثر ہونے لگتی ہیں۔

دانتوں کی کمزوری

سیب کا سرکہ کیونکہ ایک طرح کا ایسڈ ہوتا ہے اس لیے اس کا براہ راست استعمال دانتوں کی صحت کو متاثر کرتا ہے۔

بلڈ شوگر کی سطح میں کمی

سیب کے سرکے میں اینٹی گلیسیمک خواص پائے جاتے ہیں جو جسم میں گلوکوز کی سطح کو متاثر کرتے ہیں اس طرح یہ ذیابیطس کے مریضوں کے لیے نقصان کا سبب بن سکتا ہے۔

گلے میں درد

سیب کا سرکہ ایک طرح کا ایسڈ ہی ہے جو گلے کو متاثر کرتا ہے یہ گلے میں درد کے ساتھ خراش کا سبب بھی بن سکتا ہے۔

جلد کے لیے مضر

سیب کے سرکے لیے کہاجاتا ہے کہ چہرے کی جلد کے لیے ایک بہترین ٹونر کا کام کرتا ہے تاہم کچھ لوگوں میں جلد پر سرخی اور خراش کا سبب بن سکتا ہے۔ یہ حساس جلد کے لیے بلکل بھی موزوں نہیں ہے ۔