بھنڈی ایک نہایت صحت بخش سبزی ہے اس میں وہ تمام غذائی اجزاء موجود ہیں جو آپ کی مجموعی صحت کے لیے ضروری تصور کئے جاتے ہیں یہ کرکری سبزی جسے سپر فوڈ کا درجہ حاصل ہے کئی امراض میں بطور دوا بھی استعمال کی جاتی ہے۔

یہ بات سب ہی جانتے ہیں کہ سبزیاں صحت کی ضامن ہے، ان میں وہ تمام غذائی اجزاء موجود ہوتے ہیں جو انسانی جسم کے لئے اہم تصور کئے جاتے ہیں۔ لیکن پھر بھی کچھ سبزیاں ایسی ہیں جن میں ان کا تناسب انتہائی بہترین ہوتا ہے بھنڈی بھی ان ہی میں شمار کی جاتی ہے۔

بھنڈی میں فائبر،پوٹاشیم، وٹامن سی، کے اورفولیٹ وافر مقدار میں پائے جاتے ہیں۔ اسے مختلف پکوانوں میں استعمال کیا جاتا ہے۔ یہاں اس حیرت انگیز سبزی کے حیران کن فوائد پیش کئے جارہے ہیں۔

حمل

حاملہ خواتین کے لئے بھنڈی سے بہتر کوئی سبزی نہیں اس میں شامل وٹامنزماں اور بچے کی صحت کے لئے بے مفید ہے۔

خون کی کمی(انیمیا)

بھنڈی خون کی کمی کو دور کرنے میں اہم کردارادا کرتی ہے اس میں شامل وٹامنز خون کے سرخ خلیات کی افزائش میں مدد فراہم کرتی ہیں۔

کولیسٹرول

اس میں شامل صحت بخش اجزاء جسم میں برے کو لیسٹرول کو کم کر کے عارضہ قلب سے تحفظ دینے میں اہم کردار ادا کرتے ہیں۔

موٹاپا

یہ کرکری سبزی فائبر سے بھر پور ہوتی ہے جسے غذا میں شامل رکھنے سے پیٹ بھرے رہنے کا احساس رہتا ہے اور اس طرح بے وقت کی بھوک سے بچے رہتے ہی جو وزن بڑھنے کی ایک اہم وجہ تصور کی جاتی ہے۔ جبکہ بعض اوقات وزن بڑھنے کی وجہ جسم کی ضرورت کے مطابق غذائی اجزاء کا پوا نہ ہو نا ہے، بھنڈی آپ کی دونوں طرح سے وزن میں اضافے کو بڑھنے سے بچاتی ہے۔

دمہ

 دمہ کے مرض میں بھنڈی کا استعمال کسی مسیحا سے کم نہیں،بھنڈی میں موجود اینٹی آکسیڈینٹ اور وٹامن سی دمہ کے مرض کی شدت کو کم کرنے میں مدد دیتے ہیں۔

ہڈیوں کی مضبوطی

بڑھتی عمر میں ہڈیوں کے بھر بھرے پن یعنی آسٹیوپروسس بیماری کا ہونا عام ہے بھنڈی میں کئی اہم منرلز کے ساتھ فولیٹ کی بھی کثیر مقدار پایا جاتا ہے جو ہڈیوں کومضبوط بناکر اسے بیماریوں سے تحفظ دیتا ہے۔

قبض

 فائبر سے بھرپور ہونے کی بنا پریہ قبض سے کی شکایت کو دور کرنے میں بے حد مفید ہے۔