پانی ہماری صحت کے لیے اہم ہے اور اسی لیے یہ ضروری ہے کہ آپ وافر مقدار میں پانی پییں۔
لیکن کیا آپ روزانہ 7 سے 8 گلاس پانی پینے کے فوائد جانتے ہیں؟ اگر نہیں تو آئیے ہم آپکو بتاتے ہیں۔
وزن میں کمی
زیادہ پانی پینے سے میٹابولزم بہتر ہوتا ہے اور پیٹ بھرنے کا احساس دیر تک برقرار رہتا ہے۔
کھانے سے قبل ایک سے 2 گلاس پانی پینے سے پیٹ جلد بھرنے کا احساس ہوتا ہے اور زیادہ مقدار میں غذا کو جسم کا حصہ بنانا مشکل ہوتا ہے۔
جسمانی توانائی میں اضافہ
جسم میں پانی کی کمی تھکاوٹ کا شکار کرتی ہے جبکہ مناسب مقدار میں پانی پینے سے دل زیادہ مؤثر انداز سے جسم کو خون فراہم کرتا ہے۔
پانی سے خون کو آکسیجن اور دیگر اہم اجزا خلیات تک پہنچانے میں بھی مدد ملتی ہے۔
تناؤ میں کمی
اگر جسم پانی کی کمی کا شکار ہو تو جسم اور ذہن دونوں تناؤ کے شکار ہو جاتے ہیں۔
اگر آپ کو پیاس محسوس ہو رہی ہے تو اس کا مطلب ہے کہ آپ کے جسم میں کسی حد تک پانی کی کمی ہو چکی ہے۔
یہ بھی پڑھیں: روزانہ کی بنیاد پر پانی کی کمی کو کیسے پورا کیا جائے؟
دن بھر میں مناسب مقدار میں پانی پینے سے تناؤ کو کم رکھنے میں مدد ملتی ہے۔
مسلز کی صحت بہتر ہوتی ہے
پانی پینے سے مسلز اکڑتے نہیں جبکہ یہ سیال جسمانی جوڑوں کے افعال کو ہموار رکھنے میں بھی مدد فراہم کرتا ہے۔
جب جسم میں پانی کی مناسب مقدار ہو تو آپ جسمانی طور پر زیادہ وقت تک متحرک رہ سکتے ہیں یعنی زیادہ ورزش کر کے مسلز بنانے میں بھی مدد ملتی ہے۔
جِلد کے لیے اہم
جب جسم پانی کی کمی کا شکار ہوتا ہے تو چہرے پر جھریاں اور باریک لکیریں گہری ہونے لگتی ہیں۔
اس کے مقابلے میں مناسب مقدار میں پانی پینے سے خلیات کی زندگی طویل ہوتی ہے اور چہرہ جوان نظر آنے لگتا ہے۔
یہ بھی پڑھیں: موسمِ گرما میں پانی کی کمی کو دور کرنے کے لئے اِن غذاؤں کا استعمال کریں
پانی سے جِلد کے لیے خون کا بہاؤ بہتر ہوتا ہے جس سے جِلد کو جگمگانے میں مدد ملتی ہے۔
قبض سے تحفظ
فائبر نامی غذائی جز کے ساتھ ساتھ کھانے کو ہضم کرنے کے لیے پانی بھی بہت اہم ہوتا ہے۔
پانی کی کمی ہونے پر جسم غذا میں موجود پانی کو جذب کرلیتا ہے جس کے باعث آنتیں خشک ہونے لگتی ہیں اور قبض کا سامنا ہوتا ہے۔
گردوں کی پتھری کا خطرہ کم ہوتا ہے
کم مقدار میں پانی پینا گردوں کی پتھری کا خطرہ بڑھانے والی ایک بڑی وجہ ہے۔
پانی جسم کے اندر موجود نمکیات اور منرلز کو پیشاب کے راستے خارج کرنے میں مدد فراہم کرتا ہے، نمکیات اور منرلز کی ٹھوس شکل کو ہی گردوں کی پتھری کہا جاتا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News