دنیا کی ایک بڑی آبادی سر درد کے درینہ مسئلے سے دوچار ہے اور اس کے تدارک کے لئے کئی طرح کی درد کش ادویات بھی استعمال کرتی ہیں۔
لیکن درد کش ادویات کا کثرت سے استعمال ایک تو صحت کے لئے نقصان کا باعث بنتا ہے جبکہ دوسری جانب یہ ادویات کچھ وقفے کے بعد اپنی افادیت کو گھو دیتی ہیں یا یوں کہیں تو بے جانہ ہوگا کہ ان کی تاثیر کم ہوجاتی ہے اور دماغ کو مزید حساس بنا دیتی ہیں، اس طرح درد مزید بڑھنے لگتا ہے۔
بیشتر افراد کو ماہِ رمضان میں روزے کی حالت میں سر میں درد ہوتا ہے، آئیے اس کی وجوہات اور علاج جانتے ہیں۔
روزے کی حالت میں سر درد سے بچنے کے لئے سحری اور افطار کے اوقات میں پانی کی مقدار میں اضافہ کریں۔
ماہ رمضان میں مسلمان 15 سے 16 گھنٹوں تک کچھ کھاتے پیتے نہیں جبکہ نیند کے دورانیے میں کمی سمیت طرز زندگی اور جسم میں بھی کافی تبدیلیاں آتی ہیں۔
ایک تحقیق کے مطابق روزے کے دوران سر درد کی شرح میں 4.1 فیصد اضافہ ہوا ہے، زیادہ تر 16 گھنٹے روزہ رکھنے کے بعد سر درد ہوتا ہے اور افطاری کے بعد ہی سر درد میں کمی آنے لگتی ہے۔
سر درد کا علاج
روزے کے دوران سر درد کی عام وجہ بھوک لگنا، جسم میں پانی کی کمی، نیند کے دورانیے میں کمی ہوسکتی ہے۔
اسی لیے سر درد کا آسان حل یہ ہے کہ اس بات کو یقینی بنائیں کہ سحری کھانا کبھی مت چھوڑیں، سحری میں ریشہ دار غذاؤں کا استعمال زیادہ سے زیادہ کریں۔
ریشہ دار غذاؤں میں گوبھی، گاجر، آلو، گندم کے علاوہ سیب اور کیلے بھی شامل ہیں۔
پانی کا استعمال زیادہ کریں
سحری میں کم از کم 4 گلاس پانی اور افطار کے بعد ہر آدھے یا ایک گھنٹے کے وقفے سے پانی کا ایک گلاس لازمی پینے کی عادت ڈالیں۔
کیفین کا استعمال
کوشش کریں کہ سحری میں ایک کپ کافی پی لیں، کافی پینے سے جسم سے کیفین کے اخراج کا خطرہ کم ہو جائے گا۔
نیند پوری کریں
نیند کی کمی سر درد سمیت دیگر مسائل کی ایک اہم وجہ ہے۔
رمضان کے دوران سونے کے اوقات کو منظم کریں، دیر تک جاگنے سے گریز کریں اور دن کے وقت سونا یقینی بنائیں جو آپ کی صحت کے لیے یقینی طور پر مددگار ثابت ہوگا۔
دن کے وقت ٹھنڈی جگہوں پر رہیں اور جہاں تک ممکن ہو دھوپ یا گرم جگہوں سے پرہیز کریں۔
اس دوران لیپ ٹاپ یا کمپیوٹر یا موبائل فون کا استعمال کم کریں، لہذا یہ بہت ضروری ہے کہ آپ رات کو اچھی نیند پر توجہ دیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News