دنیا بھر میں دن بدن ڈپریشن کے مریضوں کی تعداد میں اضافہ ہوتا جارہا ہے اور اس سے ہر عمر کے افراد متاثر ہو رہے ہیں۔
ڈپریشن کے شکار افراد کو دماغی اور جسمانی دونوں طرح کے مسائل کا سامنا رہتا ہے لیکن اچھی بات یہ ہے کہ اس سے بچنا انتہائی آسان ہے۔
حال ہی میں کی گئی ایک تحقیق میں یہ بات سامنے آئی ہے کہ معتدل جسمانی سرگرمیوں کو عادت بنانے سے ڈپریشن سے متاثر ہونے کا خطرہ کم کیا جا سکتا ہے، خاص طور پر معمر افراد کے لیے۔
تحقیق میں بتایا گیا کہ روزانہ 20 منٹ کی جسمانی سرگرمیوں جیسے تیز رفتاری سے چہل قدمی کو عادت بنانے سے ڈپریشن یا اس کی علامات سے متاثر ہونے کا خطرہ نمایاں حد تک کم ہو جاتا ہے۔
اس تحقیق کے لیے ماہرین نے Irish Longitudinal Study On Ageing کے 10 سال کے ڈیٹا کی جانچ پڑتال کی۔
محققین نے بتایا کہ روزانہ 20 منٹ تک (ایک ہفتے میں 5 دن) تیز چہل قدمی کرنے سے ڈپریشن سے متاثر ہونے کا خطرہ 43 فیصد تک کم ہو جاتا ہے۔
اسی طرح 30 منٹ تک چہل قدمی سے یہ خطرہ 44 فیصد تک کم ہو جاتا ہے جبکہ 2 گھنٹے تک ایسا کرنے سے ڈپریشن سے متاثر ہونے کا امکان 49 فیصد تک گھٹ جاتا ہے۔
محققین کے مطابق تیز چہل قدمی سے ڈپریشن سے تحفظ ملنے کے ساتھ ساتھ مجموعی صحت کو بھی فائدہ ہوتا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News