دنیا میں لوگوں کی بڑی تعداد سال کے پہلے مہینے کو دیگر مہینوں کی نسبت طویل ترین محسوس کرتی ہے اور انہیں لگتا ہے کہ جنوری کبھی ختم نہیں ہوگا تاہم ماہرنفسیات نے اس بارے میں اہم انکشاف کیا ہے۔

ماہرین کا کہنا ہے کہ اگر آپ کو ایسا محسوس ہوتا ہے کہ جنوری طویل ہوگیا ہے اور یہ کبھی ختم نہیں ہوگا تو اس کی ایک وجہ ہے۔

آپ نے اکثر محسوس کیا ہوگا کہ سردیوں میں دل بلا کسی وجہ کے اداس رہتا ہے بلکہ کسی کام میں دلچسپی بھی نہیں رہتی۔ واضح رہے کہ دنیا کی بڑی آبادی خزاں کے اختتام پر اداسی کی چادر اوڑھ لیتی ہے اسے ونٹر بلیوز کہا جاتا ہے حیرت انگیز طور پر یہ سال کے ایک خاص وقت ہی میں ہوتاہے اسے مزاج کی تبدیلی یا موسمی جذباتی عارضہ بھی کہتے ہیں اور یہ بلیو منڈے کے ساتھ مطابقت رکھتا ہے اس قسم کی افسردگی چھوٹے دن اور دن کی کم روشنی کی نتیجے میں جنم لیتی ہے۔

کلینیکل ماہر نفسیات چلو کارمائیکل کا کہنا ہے کہ جنوری کے تیسرے پیر یعنی منڈے کو بلیو منڈے کہا جاتا ہے اور یہی مہینہ اس دن کی میزبانی کرتا ہے ، جسے عام طور پر سال کے سب سے افسردہ دنوں میں سے ایک سمجھا جاتا ہے، جنوری میں اداسی کا یہ رحجان آہستہ آہستہ آگے بڑھتا ہے اور یہ آپ کو دسمبر کی خوشگوار تعطیلات کی یاد دلاتا ہے جو بہت پہلے گزر چکی ہیں۔

دسمبر میں چھٹیاں ہوتی ہیں اور کرسمس اور نیو ایئر  کے ساتھ تحائف کا تبادلہ ہوتا ہے لوگ ایک دوسرے سے ملتے ہیں دعوتیں اور تقاریب کا اہتمام کیا جاتا ہے سب خوش ہوتے ہیں اور خوشی کا ہارمون ڈوپامائن اپنے عروج پر ہوتا ہے یہی وجہ ہے کہ سب کو بہت اچھا محسوس ہوتا ہے۔

لہذا کرسمس کی تعطیلات کے بعد ان کیمیکلز میں کمی کی وجہ سے اداسی زیادہ محسوس ہوتی ہے کیونکہ انتہائی خوشی کے بعد  انتہائی اداسی اور دسمبر میں تحائف کے تبادلے کے بعد معاشی صورتحال کا جائزہ کہ اب پیسوں کی ادائیگی کیسے کی جائے گی آپ کو مضطرب کر دیتا ہے۔ یہی وجہ ہے کہ آپ کو  وقت گرزنے کی رفتارسست معلوم ہوتی ہے۔ اس کے علاوہ سال کے مختصر دن اور خراب موسم بھی آپ کے مزاج کو متاثر کرتے ہیں جسے ونٹر بلیوز کہا جاتا ہے۔

طبی ماہر نفسیات پولین والن نے مزید کہا کہ جنوری دنیا بھر کے معمولات میں دوبارہ مشغول کرتا ہے جو افراد کو افسردہ کر سکتا ہے۔ مجموعی طور پر یہ تمام عوامل آپ کو  ایسا محسوس کراتے ہیں کہ یہ مہینہ طویل ہوگیا ہے۔

بہت سے عوامل ہیں جو وقت کے بارے میں آپ کے تصور کو متاثر کرتے ہیں، لیکن عام طور پر جب کوئی تکلیف یا درد میں ہوتا ہے تو ایسی صورت میں بھی وقت طویل لگتا ہے۔

کارمائیکل کا یہ بھی کہنا ہے کہ کچھ لوگوں کو جنوری بہت تیزی سے گزرتا ہوا محسوس ہوتا ہے یہ ایسے افراد ہیں جنہوں نے سال کے پہلے مہینے میں کچھ اہداف مقرر کیے ہوتے ہیں جنہیں وہ مکمل نہیں کر پاتے تو  انہیں لگتا ہے کہ وقت بہت تیزی سے گزر رہا ہے۔

جبکہ کچھ لوگوں کے لیے، وقت گزرنے کے بارے میں دباؤ کا احساس بھی ہو سکتا ہے، کیونکہ جنوری ایک نئے سال کا آغاز ہے۔وہ بہت زیادہ دباؤ محسوس کر سکتے ہیں کیونکہ وہ پیچھے دیکھتے ہیں کہ انہوں نے پچھلے سال کیا کیا یا کیا نہیں کیا اور آگے آنے والے سال کے بارے میں پریشانی محسوس کرتے ہیں۔

کارمائیکل کا کہنا ہے کہ جنوری کیسا بھی محسوس ہو آپ اپنی صحت کا خیال رکھیں، بھرپور نیند لیں تفریح کے لیے کچھ وقت صرف کریں۔