دنیا بھر میں لوگوں کی بڑی تعداد صبح بیدار ہونے پر چائے یا کافی سے بھرپور مشروبات لیتی ہے اس کی وجہ کیفین ہے جوکہ ایک قدرتی محرک ہے جو عام طور پر چائے، کافی اور کوکو کے پودوں میں پایا جاتا ہے۔ یہ دماغ اور مرکزی اعصابی نظام کو متحرک کرکے جگانے اور ارتکاز بڑھانے میں مددگار ثابت ہوتاہے۔

اسی لیے دنیا بھر میں لوگوں کی بڑی تعداد چائے، کافی اور کیفین سے بھرپور مشروبات کا استعمال کرتی ہیں تاکہ دماغ کو جگانے یا دوپہر کے وقت توانائی کو برقرار رکھنے میں مدد مل سکے۔ تاہم وقت گرزنے کے ساتھ کیفین کا اثر کم ہونے لگتا ہے اور آپ کو سستی اور کم توجہ کا سامنا کرنا پڑتا ہے ماہرین نے اب اس کا آسان سا حل تلاش کرلیا ہے اور وہ ہے چکوترہ۔

سائنسدانوں کہنا ہے کہ صبح بیدار ہونے پر اور دن ڈھلنے تک چاک و چوبند رہنے کے لیے کافی کادوسرا کپ لینے کے بجائے چکوترہ کھائیں یہ کافی میں موجود کیفین کے اثرکو دیر تک برقرار رکھ کر آپ کو سستی سے بجائے گا۔

برائن ماور کالج میں کیمسٹری کے پروفیسر مشیل فرانکل کے مطابق، کافی کے بعد چکوترا کھانا ممکنہ طور پر کیفین کے اثرات کو بڑھا سکتا ہے اور دوپہر تک محسوس ہونے والی توانائی میں کمی کو دور کر سکتا ہے۔ اس کے برعکس گوبھی اور بروکولی کیفین کو اثرات کو تیزی سے کم کرتی ہیں۔

مشیل کا مزید کہنا ہے کہ کافی کے کپ میں گریپ فروٹ کا جوس شامل نہ کریں بلکہ اس کا پھل کھائیں یا کافی کے بعد اس کا رس پی لیں اس طرح کیفین کا اثر دیر تک برقرار رہے گا۔