زنک ایک نہایت اہم معدن ہے جوجسم کے کئی افعال کی انجام دہی کے لیے انتہائی ضروری ہے جن میں مدافعتی نظام کو مضبوط بنانا، میٹابولزم کو فورغ دینا اور ڈی این اے کی تیاری جیسے کام شامل ہیں، اگرآپ زنک کی درست مقدار حاصل نہیں کر پاتے تو ایسی صورت میں جسم میں زنک کی کمی کی یہ 5 علامات سامنے آتی ہیں۔
کمزور مدافعتی نظام
زنک قوت مدافعت بڑھانے اور مدافعتی نظام کی بہتر کار کردگی میں ایک اہم کردارادا کرتا ہے یہی وجہ ہے کہ زنک کی کمی سے جسم میں مختلف انفیکشنزکا خطرہ بڑھ جاتا ہے، زخم دیر سے مندمل ہوتے ہیں اسی لیے بیماریاں جنم لینے لگتی ہیں۔
بھوک میں کمی
یوں تو بھوک کی کمی کی کئی وجوہات ہوسکتی ہیں تاہم یہ علامت زنک کی کمی کی جانب بھی اشارہ کرتی ہے اس طرح غذائیت کی کمی کی وزن میں کمی کا باعث بنتی ہے جسے اکثر اوقات نظر انداز کردیا جاتا ہے۔
کمزور بال
زنک کی کمی سے بال تیزی سے گرنے لگتے ہیں اس کی وجہ یہ ہے کہ زنک بالوں کے فولیکلزاور ان کی افزائش میں اہم کردار ادا کرتا ہے۔
جلد کے مسائل
زنک کی کمی جلد کے کئی مسائل کا سبب بنتی ہے جن میں جلد کی خشکی، ایکزیما، ریشزاور ایکنی شامل ہے، جلد کی بہتر صحت کے لیے ضروری ہے کہ جسم میں زنک کی معمول کی سطح کو برقرار رکھا جائے۔
دماغی صحت میں کمی
زنک دماغ کے نیوروٹرانسمیٹرکے افعال میں بنیادی کردارادا کرتا ہے اوراس کی کمی سے دماغی صحت متاثرہوتی ہے اس طرح یاداشت سے متعلق مسائل اور مزاج میں تبدیلی جنم لینے لگتی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News